كوپ قاباتتى تۇرعىن ءۇيدىڭ پاتەرلەرىنىڭ بىرىنەن ينتيم سالونى انىقتالدى.
Polisia.kz مالىمەتى بويىنشا، رەيدتىك ءىس-شارا بارىسىندا جەزوكشەلىكپەن اينالىسۋ ءۇشىن ءۇي-جاي بەرۋ دەرەگى انىقتالدى، دەپ حابارلايدى Almaty-akshamy.kz.
«مەكەمە "مامىر" شاعىناۋدانىنداعى تۇرعىن ءۇيدىڭ پاتەرلەرىنىڭ بىرىندە ورنالاسقان. تەكسەرۋ كەزىندە سالوندا توعىز قىز “جۇمىس ىستەپ” جۇرگەن. عيماراتتى جالعا الۋشى جاۋاپكەرشىلىككە تارتىلادى. ۇستالعان قىزدار جەكە باسىن انىقتاۋ ءۇشىن پب-عا جەتكىزىلدى. ولار - 18 بەن 26 جاس ارالىعىندا، قازاقستاننىڭ ءار وڭىرىنەن كەلگەندەر. سونىمەن قاتار ولاردىڭ كوشى-قون زاڭناماسىن ساقتاۋى تەكسەرىلەتىن بولادى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.