قول الىسۋدان باس تارتۋ، گيگيەنانىڭ نەگىزگى ەرەجەلەرىن ساقتاۋ، بولمەلەردى جەلدەتىپ تۇرۋ سياقتى نەگىزگى ۇسىنىستار قولدانىستا بولادى
نيدەرلاندى باسشىلىعى 25 اقپاننان باستاپ بارلىق كوروناۆيرۋستىق شەكتەۋلەردى الىپ تاستاۋدى جوسپارلاپ وتىر، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك سىلتەمە جاساپ.
18 اقپاننان باستاپ كافەلەر، بارلار مەن مەيرامحانالاردىڭ، سونداي-اق مادەني جانە ويىن-ساۋىق مەكەمەلەرىنىڭ جابىلۋ ۋاقىتى 22:00-دەن 01:00-گە دەيىن وزگەرەدى، ودان كەيىنگى ءبىر اپتالىق مەرزىمدە بارلىق مەكەمەلەر پاندەمياعا دەيىنگى ادەتتەگى جۇمىس رەجيمىنە ورالا الادى.
سانيتارلىق رۇقساتتامالاردىڭ دا كۇشى جويىلادى، الايدا قاجەتتىلىك تۋىنداعان جاعدايلاردا ولاردى پايدالانۋدى قالپىنا كەلتىرۋ جوققا شىعارىلمايدى. ولار شەتەلگە ساياحاتتاۋ ءۇشىن ءوز كۇشىندە قالادى. ءىرى بۇقارالىق ءىس-شارالاردا 1G جۇيەسى جۇمىس ىستەي باستايدى، وعان كىرۋ كوروناۆيرۋسقا تەستتىڭ تەرىس ناتيجەسىمەن عانا رۇقسات ەتىلەدى. ۇكىمەتتىڭ شەشىمى پاندەميانىڭ دەنساۋلىق ساقتاۋ جۇيەسىنە ارتقان جۇكتەمەسىنىڭ ازايۋىنا بايلانىستى قابىلدانۋدا.