وتكەن اپتادا اۋاسى ەڭ كوپ لاستانعان قالالار تىزىمىندە الماتى دا بار

بۇل ءتىزىمنىڭ كوش باسىندا استانا قالاسى تۇر.

«قازگيدرومەت» مەكەمەسى وتكەن اپتادا اۋاسى ەڭ كوپ لاستانعان قالالاردى اتادى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

بۇل جولى رەيتينگ باسىندا استانا قالاسى تۇر. 27 قىركۇيەك پەن 3 قازان ارالىعىندا الىنعان اۋا سىنامالارى وسىنداي مالىمەت كورسەتكەن.

اتالعان ارالىقتا قالا اۋماعىندا اۋاداعى كونسەنتراسيالاردىڭ شەكتەن اسۋى 1318 رەت تىركەلگەن. «قازگيدرومەت» ماماندارى، اسىرەسە، دۋلات باتاي ۇلى كوشەسىنىڭ اۋدانىندا اۋانىڭ ساپاسى وتە ناشار ەكەنىن انىقتاپ وتىر.

اتالعان كەزەڭدە اۋانىڭ لاستىعى بويىنشا العاشقى ۇشتىككە قاراعاندى مەن الماتى قالالارى كىردى.

«قاراعاندى قالاسىندا شەكتى رۇقسات ەتىلگەن نورمالاردان اسىپ كەتۋدىڭ 521 جاعدايى تىركەلدى. اۋا ەڭ لاستانعان جەر – №8 لبپ اۋدانى ("پريشاحتينسك" شاعىناۋدانى، 3ء-شى كوچەگاركا كوشەسى، 28).

الماتى قالاسىندا اۋاداعى كونسەنتراسيالاردىڭ رۇقسات ەتىلىگەن شەكتەن اسىپ كەتكەن 123 جاعدايى تىركەلدى.

استانا قالاسىندا شەكتى جول بەرىلەتىن نورمالاردان اسىپ كەتۋدىڭ 1318 جاعدايى تىركەلدى. اۋا د.باباتاي ۇلى كوشەسى اۋدانىندا لاستانعان»، - دەپ جازىلعان اپتالىق انىقتامادا. 

ال شىمكەنت پەن اقتوبە اۋاسى سالىستىرمالى تۇردە ەڭ تازا قالالار بولىپ تىركەلدى. وتكەن اپتادا بۇل ەكى قالادا اۋاداعى كونسەنتراسيالاردىڭ شەكتەن اسۋى مۇلدە تىركەلمەگەن.