ءاربىر ازامات بانككە نەمەسە ميكروقارجى ۇيىمدارىنا ءوزى بارۋى مىندەتتەلەدى.
سونداي-اق ازاماتتارعا 24 ساعات ىشىندە العان نەسيەسىنەن باس تارتۋ مۇمكىندىگى بەرىلەدى، دەپ حابارلايدى aqshamnews.kz
بۇعان دەيىن ماجىلىستە الاياقتاردان ساقتانىپ، تۇتىنۋشىلاردىڭ قۇقىعىن قورعاۋ ماسەلەسى قارالعان بولاتىن. تانىستىرىلعان زاڭ جوباسىنا سايكەس، كليەنتتىڭ قوسىمشا كەلىسىمىن الۋ كوزدەلدى. ەگەر تالاپتار ساقتالماسا، وندا بانك نەمەسە ميكروقارجى ۇيىمى كرەديتتى سوتقا جۇگىنبەي-اق ەسەپتەن شىعارۋعا ءتيىس.
ال قارجى ۇيىمدارى تاراپىنان بيومەتريالىق سايكەستەندىرۋ ءراسىمىن بۇزۋ، الاياقتىققا قارسى تالاپتاردى ەلەمەۋ جانە كليەنتتىڭ جەكە دەرەكتەرىن زاڭسىز قولدانۋ جاعدايلارىندا، سوت ارقىلى ەسەپتەن شىعارۋ جاڭا تەتىگى پايدا بولادى.