ماماندار مۇنداي اۋكسيوندار قازاقستانعا ينۆەستيسيا تارتۋعا كومەكتەسەتىنىن ايتادى.
ونەركاسىپ جانە قۇرىلىس مينيسترلىگىنىڭ مالىمدەۋىنشە، ماۋسىم ايىندا 50 قازاقستاندىق كەن ورنى جەر قويناۋىن پايدالانۋدىڭ ءبىرىڭعاي پلاتفورماسىندا ەلەكتروندى اۋكسيونعا قويىلادى، دەپ حابارلايدى aqshamnews.kz
MINEXء-تىڭ 15-تاۋ-كەن گەولوگيالىق فورۋمىندا مينيسترلىك بۇل كەن ورىندارىن 25 جىلعا دەيىنگى مەرزىمگە ليسەنزيامەن وندىرۋگە بەرىلەتىنىن جەتكىزدى.
ال شارت بويىنشا، كومپانيا تاۋ-كەن جۇمىستارىنىڭ جوسپارىن قۇرىپ، كەن ورنىن يگەرۋ مەرزىمىن كورسەتۋى كەرەك. اۋكسونعا اقش، ەۋرووداق جانە قىتايدان كومپانيالار ءوتىنىش بىلدىرگەن.
بۇل – بالانستا قورلارى بار كەن ورىندارى. ءبىز ولاردى ولجا رەتىندە پايدالانامىز. بۇل كەن ورىندارىندا التىن، كومىر، سيرەك مەتالدار، پوليمەتالدار شىعارىلادى. جاقىن ارادا اقپاراتتى جەر قويناۋىن پايدالانۋدىڭ ءبىرىڭعاي پلاتفورماسىندا جاريالايمىز. نىسانداردى شىعارعان سوڭ بارلىق نيەت ءبىلدىرۋشى اۋكسيونعا قاتىسا الادى. ول ءۇشىن قۇجاتتاردى ونلاين تاپسىرىپ، قاتىسا الادى، — دەدى ونەركاسىپ جانە قۇرىلىس مينيسترلىگىنىڭ جەر قويناۋىن پايدالانۋ دەپارتامەنتىنىڭ ديرەكتورى الماس كوشىموۆ.
ماماندار مۇنداي اۋكسيوندار قازاقستانعا ينۆەستيسيا تارتۋعا كومەكتەسەتىنىن ايتادى. ال كەيبىر پايدالى قازبالار جينالاتىن ورىندار ءتيىستى قۇجاتتامانىڭ بولماۋىنا بايلانىستى ءالى جاريالانباعان.
2024 جىلدىڭ قورىتىندىسى بويىنشا بىزدە قاتتى پايدالى قازبالاردىڭ 23 كەن ورنى بولدى. ولار العاش رەت مەملەكەتتىك ەسەپكە الىندى. ماسەلەن، التىن تۋرالى ايتساق، مەملەكەتكە 20 توننا التىن پايدا رەتىندە قوسىلدى. سول سەكىلدى جىل سايىن گەولوگيالىق بارلاۋ ناتيجەسى بويىنشا قورلار بەكىتىلىپ، مەملەكەتتىك ەسەپكە قويىلادى جانە ونى وندىرۋگە تارتادى، — دەدى ول،.