شەتەلدىك الاياقتارعا كومەكتەسكەن تۇرعىن ۇستالدى

تەرگەۋ امالدارى جۇرگىزىلىپ جاتىر.

ول زاڭسىز ترافيك جانە تەلەفون بايلانىسىن ۇيىمداستىردى دەگەن كۇدىككە ءىلىندى، دەپ حابارلايدى Almaty-akshamy.kz

ۇلتتىق قاۋىپسىزدىك كوميتەتى پروكۋراتۋرا ورگاندارىنىڭ ۇيلەستىرۋىمەن زاڭسىز ترافيك جانە تەلەفون بايلانىسىن ۇيىمداستىردى دەگەن كۇدىكپەن قازاقستان ازاماتىن ۇستادى.

تەرگەۋ بولجامى بويىنشا، كۇدىكتى شەتەلدىك قاسكۇنەمدەرگە الاياقتىق ارەكەتتەرىن جۇزەگە اسىرۋ ءۇشىن قازاقستانعا سوعىلعان قوڭىراۋدى جاسىرۋعا مۇمكىندىك بەرەتىن قىزمەت كورسەتكەن.

«بۇل وپەراسيالار شەتەلدىك نومىرلەردى قازاقستاندىققا اۋىستىراتىن ارنايى قۇرىلعىنى جانە زيان كەلتىرەتىن باعدارلامالىق قوندىرعىلاردى پايدالانا وتىرا جۇزەگە اسىرىلعان. سول ارقىلى كۇدىكتى ۇلتتىق بايلانىس وپەراتورلارىنا زالال كەلتىرە وتىرىپ ۇستەمە پايدا العان، ال شەتەلدىك الاياقتار ونىڭ قىزمەت كورسەتۋىن پايدالانىپ، رەسپۋبليكا تۇرعىندارىن الداعان»، - دەلىنگەن ۇقك تاراتقان حابارلامادا.

قازىرگى كەزدە قىلمىستىق كودەكستىڭ 210-بابى 3-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

قىلمىستىق-پروسەستىك كودەكستىڭ 201-بابى 1-بولىگىنە سايكەس وزگە اقپاراتتار جاريا ەتۋگە جاتپايدى.

سوڭعى 3 جىلدا 43 ملرد تەڭگە شاماسىندا زالال كەلتىرگەن 59 مىڭ ينتەرنەت-الاياقتىق فاكتىسى تىركەلگەن.