نەشە كانديدات ءماجىلىس دەپۋتاتتىعىنا ۇسىنىلدى؟

كانديداتتار ۇسىنۋ ناۋقانى كەشە اياقتالدى.

ورتالىق سايلاۋ كوميسسياسىنىڭ مالىمەتىنشە، الداعى پارلامەنت سايلاۋىنا بارلىعى 892 كانديدات ۇسىنىلدى، دەپ حابارلايدى Almaty-akshamy.kz

7 پارتيالىق ءتىزىم ءماجىلىس دەپۋتاتتىعىنا 283 كانديدات ۇسىنىلدى:

1."قازاقستان حالىق پارتياسى" – 52 كانديدات؛

2."اق جول" قازاقستان دەموكراتيالىق پارتياسى – 54 كانديدات؛

3."اۋىل" حالىقتىق-دەموكراتيالىق پاتريوتتىق پارتياسى – 25 كانديدات؛

4."Amanat" پارتياسى – 90 كانديدات؛

5."Respublica" پارتياسى – 25 كانديدات؛

6.جالپىۇلتتىق سوسيال-دەموكراتيالىق پارتيا – 19 كانديدات؛

7."بايتاق" جاسىلدار پارتياسى – 18 كانديدات.

سونداي-اق ءبىرمانداتتىق وكرۋگتەر بويىنشا ءماجىلىس دەپۋتاتتىعىنا قانشا كانديدات ۇسىنىلعانى دا بەلگىلى بولدى.

بارلىعى 29 وكرۋگ بويىنشا 609 كانديدات ۇسىنىلىپ وتىر. ونىڭ ىشىندە 7 ساياسي پارتيادان – 79 ۇمىتكەر، ءتورت قوعامدىق بىرلەستىكتەن – 5 كانديدات، قالعان 525ء-ى – ءوزىن-وزى ۇسىنعاندار.

كانديداتتار مەن ساياسي پارتيالاردى تىركەۋ 18 اقپان 18.00-گە دەيىن جالعاسادى. سايلاۋ الدىنداعى ۇگىت 18 اقپان 18.01-دە باستالىپ، 18 ناۋرىز ساعات 00.00-دە اياقتالادى.

18 ناۋرىز – تىنىشتىق كۇنى.

ايتا كەتەرى، پارلامەنت ءماجىلىسى 98 دەپۋتاتتان قۇرالادى: 69 دەپۋتات پارتيالىق تىزىمدەر بويىنشا، ال 29 دەپۋتات ءبىرمانداتتىق اۋماقتىق وكرۋگتەر بويىنشا سايلانادى.

ءماجىلىس پەن ءماسليحات دەپۋتاتتارىنىڭ كەزەكتەن تىس سايلاۋى 19 ناۋرىزدا وتەدى.