ەسىرتكى ساتقان الماتىلىق جىگىت قولعا ءتۇستى

كۇدىكتى ۋاقىتشا ۇستاۋ يزولياتورىنا قامالدى.

ەسىرتكى ونىمدەرىن ساۋدالاعان 31 جاستاعى الماتىلىق قولعا ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ.

الماتى قالاسى پوليسيا دەپارتامەنتىنىڭ ەكسترەميزمگە قارسى كۇرەس باسقارماسى مەن اۋەزوۆ اۋداندىق پوليسيا باسقارماسىنىڭ كىزمەتكەرلەرى بىرلەسە وتىرىپ، ەسىرتكى ساۋداگەرىن قولعا ءتۇسىردى.

«ق ر قك-نىڭ 297-بابى 1-تارماعى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا قىلمىس جاسادى دەگەن كۇدىكپەن، ياعني ەسىرتكى زاتتارىن زاڭسىز ساتىپ جۇرگەن 1992 جىلى تۋىلعان ب. ەسىمدى ازامات قۇرىقتالدى. رۇقسات ەتىلگەن ءتىنتۋ بارىسىندا كۇدىكتىدەن ەسىرتكى تەكتەس زاتتار تاركىلەنىپ، سوت-حيميالىق ساراپتاماعا جىبەرىلدى. ناتيجەسىندە ونىڭ كەپتىرىلگەن ماريحۋانا ەكەندىگى انىقتالدى. ق ر قپك-نىڭ 128-بابى (ۇستاپ الۋ نەگىزدەرى) بويىنشا كۇدىكتى ۋاقىتشا ۇستاۋ يزولياتورىنا قامالدى. تەرگەۋ امالدارى جۇرگىزىلىپ جاتىر»،-دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.