بيىل قىركۇيەكتە ەرلى-زايىپتىلار ءۇشىن ءاقپاراتتىق-تۇسىندىرۋ شارالارىنىڭ كەشەنى ىسكە قوسىلادى.
بۇل جايىندا پرەمەر-مينيستر ءاليحان سمايىلوۆتىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان، دەپ حابارلايدى Almaty-akshamy.kz.
«وتباسى قۇندىلىقتاردى ودان ءارى نىعايتۋ ماقساتىندا اقپارات جانە قوعامدىق دامۋ مينيسترلىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ، وسى جىلدىڭ قىركۇيەك ايىندا نەكەگە تۇرعان ەرلى-زايىپتىلار ءۇشىن وڭ ىقپالى بار وتباسىلىق داستۇرلەر مەن رۋحاني-ادامگەرشىلىك قۇندىلىقتاردى ساقتاۋ، وتباسىن جوسپارلاۋ جانە ەرلەر مەن ايەلدەردىڭ رەپرودۋكتيۆتى دەنساۋلىعىن قورعاۋ ماسەلەسى بويىنشا نەكەگە تۇرعان ەرلى-زايىپتىلار ءۇشىن ءاقپاراتتىق-تۇسىندىرۋ شارالارىنىڭ كەشەنىن (ە-gov پلاتفورماسىنداعى جادىناما، وفلاين جانە ونلاين فورماتتاعى بەينەروليكتەر، سەمينارلار مەن ترەنينگتەر جانە باسقا دا شارالار) ىسكە قوسۋدى جوسپارلاپ وتىر»، - دەپ اتاپ وتەدى ۇكىمەت باسشىسى.
پرەمەر-مينيستردىڭ دەرەگىنشە، ەلىمىزدە وتباسىلىق-تۇرمىستىق زورلىق-زومبىلىقتىڭ پروفيلاكتيكاسى سالاسىندا بەلگىلى وڭ ديناميكا بايقالادى.