ەلىمىزدە قۇس ەتى كوبىرەك وندىرىلە باستادى

بىلتىر 288،7 مىڭ توننا قۇس ەتى وندىرىلگەن.

Aۋىل شارۋاشىلىعى مينيسترلىگىنىڭ مالىمەتىنشە، بۇل 2021 جىلمەن سالىستىرعاندا 5،9 پروسەنتكە ارتىق، دەپ حابارلايدى Almaty-akshamy.kz

اشم اقپاراتىنشا، رەسپۋبليكادا بۇگىندە 69 قۇس فابريكاسى، ونىڭ ىشىندە 34 جۇمىرتقا جانە 29 ەت باعىتىنداعى، سونداي-اق 6 اسىل تۇقىمدى ءونىم شارۋاشىلىعى بار. ال قۇس باسى 49،9 ميلليوننان اسادى.

"2022 جىلدىڭ قورىتىندىسى بويىنشا شارۋاشىلىقتاردىڭ بارلىق ساناتىندا قۇس ەتىن ءوندىرۋ كولەمى 288،7 مىڭ توننانى قۇرادى، بۇل 2021 جىلمەن سالىستىرعاندا 5،9%-كە ارتىق. 5،1 ملرد دانا تاۋىق جۇمىرتقاسى شىعارىلدى، بۇل بىلتىرعى كورسەتكىشتەن 4،4%-كە جوعارى"، - دەلىنگەن حابارلامادا.

قۇس فابريكالارى وندىرگەن تاعامدىق جۇمىرتقانىڭ ۇلەسى 75،3%، جەكە قوسالقى شارۋاشىلىقتاردىڭ ۇلەسى 24،6% قۇرايدى. ىشكى نارىق 101 پروسەنتكە قامتاماسىز ەتىلىپ وتىر.

ۆەدومستو مالىمەتىنشە، بيىل ءبىرىنشى جارتىجىلدىقتا شارۋاشىلىقتاردىڭ بارلىق ساناتىندا 165،2 مىڭ توننا (+14،4%) قۇس ەتى ءوندىرىلدى. سونداي-اق شامامەن 2،4 ملرد دانا (-1،8%) تاۋىق جۇمىرتقاسى شىعارىلدى.