جاسىمىق – اقۋىز بەن تەمىرگە باي. ونىڭ قۇرامىندا فولات بار، ول مي مەن قان ءتۇزىلۋ قىزمەتى ءۇشىن وتە قاجەت. سوسىن تۇراقتى كراحمال بار، ول ىشەك ميكروفلوراسى ءۇشىن ماڭىزدى. گليكەميا يندەكسى تومەن بولعاندىقتان، ديابەتپەن اۋىراتىندار دا جەۋگە بولادى.
مەيىز – كاليي، ماگنيي مەن بەتا-كاروتيننىڭ قوسپاسى. ول جۇرەككە، كوزگە جانە سۋ بالانسىن ۇستاپ تۇرۋعا پايدالى. ءبىراق كەپتىرىلگەن كۇيىندە قانت كوپ بولعاندىقتان، كۇنىنە 3-5 تال جەسە جەتەدى.
كۇنجىت ءدانى پايدالى، وندا كالسيي، ماگنيي جانە مىرىش بار. ول سۇيەك ساۋلىعى، يممۋنيتەت ءۇشىن جاقسى جانە قان قىسىمىن رەتتەيدى. ءسال قۋىرىلعان كۇنجىت جاقسى سىڭىرىلەدى. ونى سالاتتارعا دا قوسادى.
پلاستيك ىدىسقا سالىنعان تاماقتى ىسىتقان كەزدە مىڭداعان پلاستيك بولشەك بولىنەدى. ولار گورموندارعا، رەپرودۋكتيۆتى جۇيەگە زيان.
كۇيزەلىس (دەپرەسسيا) جۇرەك-قان تامىر اۋرۋلارىنىڭ (ينسۋلت، ينفاركت) ءقاۋپىن ارتتىرادى. كۇيزەلىس كەزىندە نەيرومەدياتورلار تەپە-تەڭدىگى بۇزىلادى. ول قان تامىرلارىنىڭ قىسىلۋىنا، قان اعىنى بۇزىلۋىنا، اتەروسكلەروزدىڭ قوزۋىنا اكەپ سوعادى.
سۋدى شامادان تىس ءىشۋ – زيان.
سۋدى تىم كوپ ىشسە قانداعى ەلەكتروليتتەردى، اسىرەسە ءناترييدى ەرىتىپ جىبەرەدى، بۇل گيپوناتريەميا دەگەن جاعدايعا اكەپ سوعادى.
ادام ءوزىن زورلاپ كوپ سۋ ىشۋگە بولمايدى، ول بۇيرەككە اۋىر كەلەدى جانە پايدالى ميكروەلەمەنتتەردى شايىپ تاستايدى.
ءوز اعزاڭىزدى تىڭداي ءبىلۋ كەرەك.
شولدەگەن كەزدە، بەلسەندى قيمىلداعاندا، اۋىرعان كەزدە سۋدى كوبىرەك ىشكەن ءجون.