ەندى ولار وزدەرىن دوموفون كومپانياسىنىڭ قىزمەتكەرلەرى رەتىندە تانىستىرادى، دەپ حابارلايدى aqshamnews.kz
الاياقتار پاتەر يەلەرىنە دوموفون كىلتتەرىن تەگىن اۋىستىرۋدى نەمەسە ءتىپتى كىلتسىز قولجەتكىزۋ فۋنكسياسىن قوسىپ بەرۋدى ۇسىنادى. ءبىراق ول ءۇشىن SMS ارقىلى كەلگەن كودتى ايتۋدى تالاپ ەتەدى.
بۇل جاڭا سحەما تۋرالى اباي وبلىسىنىڭ تۇرعىنىنا الاياقتار قوڭىراۋ شالعاننان كەيىن بەلگىلى بولدى. ولار بۇل قىزمەتتىڭ جاڭا ءارى رەسمي ەكەنىن سەنىمدى تۇردە مالىمدەگەن. الايدا ساق ايەل كودتى ايتۋدان باس تارتىپ، ءوز دوموفون قىزمەتىنىڭ كەڭسەسىنە ءوزى قايتا حابارلاسقان. سول كەزدە كومپانيادا مۇنداي قىزمەتتىڭ جوق ەكەنى انىقتالدى.
پوليسيا تۇرعىنداردى مۇنداي قوڭىراۋلارعا ساق بولۋعا جانە سەنبەۋگە شاقىرادى. ازاماتتاردان تانىستارى مەن تۋىستارىن ەسكەرتۋ سۇرالادى — بوگدە ادامدارعا ەشقانداي كودتى ايتۋعا بولمايدى.
الاياقتار وزدەرىن دوموفون قىزمەتىنىڭ قىزمەتكەرلەرى رەتىندە تانىستىرىپ، تۇرعىندارعا «قوسىمشا كىلتتەر» نەمەسە پودەزگە «جەكە كودپەن كىرۋ» قىزمەتىن راسىمدەۋدى ۇسىنادى. اباي وبلىستىق پوليسيا دەپارتامەنتى ازاماتتاردى ساق بولۋعا شاقىرادى: مۇنداي قىزمەت تۇرلەرى جوق. الاياقتار جەكە دەرەكتەردى الداپ الىپ، ولاردى زاڭسىز ارەكەتتەرگە قولدانۋى مۇمكىن، – دەدى اباي وبلىسى پد اقپاراتتىق ساياسات باسقارماسىنىڭ باسشىسى دينا امرەنوۆا.