مەدەۋ اۋدانىنداعى كاۋاپحانالاردى سانيتارلىق-ەپيدەميولوگيالىق قىزمەت ماماندارى تەكسەردى، دەپ حابارلايدى aqshamnews.kz
بۇل تۋرالى الماتى قالاسىنىڭ ەكولوگيا جانە قورشاعان ورتا باسقارماسىنىڭ ماماندارى ايتتى. الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى بەس ءدامحاناعا جوسپاردان تىس تەكسەرۋ جۇرگىزدى. سونىڭ ىشىندە ءتورت نىساننان بۇزۋشىلىق انىقتالدى، ءبىر فاكتى بويىنشا ءىس ماتەريالدارى سوتقا جولداندى. سالىنعان ايىپپۇلدىڭ جالپى سوماسى 1،2 ملن تەڭگەدەن استى.
سونىمەن قاتار «Eco Almaty» ءجشس-نىڭ قورشاعان ورتانى قورعاۋ جانە ەكولوگيا ءبولىمى تابيعاتتى قورعاۋ پوليسياسىمەن بىرگە بىرنەشە نىسانداعى ءتۇتىن شىعارۋ فاكتىلەرى بويىنشا پروفيلاكتيكالىق جۇمىس جۇرگىزدى. باقىلاۋ بارىسىندا «گرۋزينسكيي دۆور» ءدامحاناسىندا (قابانباي باتىر كوشەسى، 8)، سونداي-اق قابانباي باتىر كوشەسى، 15 مەكەنجايىندا ورنالاسقان «Modi» ءدامحاناسىندا كومىرمەن جاناتىن مانگال قولدانىلعانى تىركەلدى. جاقىن ماڭداعى ۇيلەردىڭ تۇرعىندارى قاتتى ءتۇتىن مەن ءيىس شىعارعان بۇل قوعامدىق تاماقتانۋ ورىندارىنا شاعىمدانعان. «Eco Almaty» ماماندارى كاسىپكەرلەرمەن «الماتى قالاسىنىڭ اۋماعىن كورىكتەندىرۋ قاعيدالارىن» قاتاڭ ساقتاۋ قاجەتتىگى تۋرالى ءتۇسىندىرۋ جۇمىستارىن جۇرگىزدى. ولارعا ەكولوگيالىق جانە سانيتارلىق تالاپتار جونىندە ەسكەرتىلدى. اتاپ ايتقاندا، قاتتى وتىندى پايدالانۋعا تىيىم سالىنعانى، ال گازبەن جۇمىس ىستەيتىن جابدىق قولدانىلعان جاعدايدا سۇزگىلەر ورناتۋ مىندەتتى ەكەنى ءتۇسىندىرىلدى.
سونداي-اق، مۇنداي قۇقىقبۇزۋشىلىق ءۇشىن جاۋاپكەرشىلىك بار ەكەنى ايتىلدى. ايتا كەتەيىك، كاۋاپحانالار، قوعامدىق تاماقتانۋ ورىندارى جانە مونشا نىساندارىنا تەكسەرۋ قالادا تۇراقتى نەگىزدە جۇرگىزىلەدى. مۇنداي ورىندار كوبىنە شامادان تىس ءتۇتىن مەن جاعىمسىز ءيىس شىعارىپ، جاقىن ماڭداعى تۇرعىندارعا قولايسىزدىق تۋدىرادى.
ەكولوگتاردىڭ باقىلاۋى اتموسفەرالىق اۋانى قورعاۋ جانە سانيتارلىق نورمالاردىڭ ساقتالۋىن قامتاماسىز ەتۋ جونىندەگى ءىس-شارالار جوسپارى اياسىندا جۇرگىزىلەدى.