پوليسەي قىزمەتكەرىن "قوقىس" دەپ بالاعاتتاعان جاسوپىرىمگە سوت ۇكىمى شىقتى

ماڭعىستاۋ وبلىسىندا پوليسەيلەردى «قوقىس» دەپ بالاعاتتاپ، ۆيدەونى TikTok-تا جاريالاعان جاسوسپىرىمگە سوت ۇكىم شىعاردى، دەپ حابارلايدى Aqshamnews.kz ءتىلشىسى Lada.kz-كە سىلتەمە جاساپ.

وقيعا كامەلەتكە تولماعان ءجاسوسپىرىم ءنومىرسىز موتوسيكل ايداپ جۇرگەن كەزدە بولعان. پوليسەيلەر ونى توقتاتقان ساتتە ءجاسوسپىرىم قۇقىق قورعاۋ قىزمەتكەرلەرىن بالاعاتتاپ، ءبارىن تەلەفونىنا ءتۇسىرىپ، كەيىن الەۋمەتتىك جەلىگە جۇكتەگەن.

مەملەكەتتىك ايىپتاۋشى ءجاسوسپىرىمدى 30 ساعات قوعامدىق جۇمىسقا تارتۋدى سۇرادى. جابىرلەنۋشى-پوليسەي بۇل تالاپتى قولدادى. سوتتا ءجاسوسپىرىم كىناسىن تولىق مويىنداپ، كەشىرىم سۇرادى، ال قورعاۋشىسى جازاعا جەڭىلدەتۋ سۇراعان.

سوت ونىڭ كىناسى:

• ۆيدەوجازبا،

• ءوزىنىڭ مويىنداۋى،

• جابىرلەنۋشىنىڭ ارىزى،

• پسيحولوگيالىق-فيلولوگيالىق جانە پسيحياتريالىق ساراپتاما قورىتىندىلارى ارقىلى دالەلدەنگەنىن اتاپ ءوتتى.

ءجاسوسپىرىمنىڭ كامەلەتكە تولماعانى، بۇرىن سوتتالماعانى جانە وكىنىش ءبىلدىرۋى جەڭىلدەتەتىن ءمان-جاي رەتىندە ەسكەرىلدى، ال اۋىرلاتاتىن فاكتورلار انىقتالمادى.

ناتيجەسىندە ول ق ر قك-نىڭ 378-بابىنىڭ 2-بولىگى («بيلىك وكىلىن قورلاۋ») بويىنشا كىنالى دەپ تانىلىپ، 30 ساعات قوعامدىق جۇمىسقا مىندەتتەلدى.