قازاقستان قۇراماسىنىڭ ۇزدىك بوكسشىلارىنىڭ ءبىرى دۋلات بەكباۋوۆ دوپينگ ەرەجەسىن بۇزعانى ءۇشىن ەكى جىلعا اۋەسقوي سپورتتان شەتتەتىلدى، - دەپ حابارلايدى Aqshamnews.kz ءتىلشىسى حالىقارالىق تەستىلەۋ اگەنتتىگىنە (ITA) سىلتەمە جاساپ.
حالىقارالىق وليمپيادا كوميتەتىنە قارايتىن ITA مالىمەتىنشە، بەكباۋوۆ سوڭعى 12 اي ىشىندە دوپينگ-باقىلاۋ ماماندارىنا ءوزىنىڭ ورنالاسقان جەرى تۋرالى دەرەكتەردى دۇرىس جانە تولىق بەرمەگەن. سپورتشىلار ءۇشىن بۇل انتيدوپينگتىك تالاپتىڭ ورەسكەل بۇزىلۋى بولىپ سانالادى.
وسىعان بايلانىستى وعان 2025 جىلعى 18 قاراشادان 2027 جىلدىڭ 17 قاراشاسىنا دەيىن ەكى جىل مەرزىمگە شەتتەتۋ جازاسى قولدانىلدى. بۇل شەشىم تەك اۋەسقوي بوكسقا قاتىستى.
ايتا كەتەيىك، دۋلات بەكباۋوۆ 2025 جىلدىڭ شىلدە ايىندا كاسىپقوي بوكستا دەبيۋت جاساعان. قولدانىلعان شەكتەۋدىڭ ونىڭ كاسىپقوي مانسابىنا ىقپالى جوق، ياعني ول كاسىبي رينگتە ونەر كورسەتە الادى.
دۋلات بەكباۋوۆ – 2023 جىلعى الەم چەمپيوناتىنىڭ كۇمىس جۇلدەگەرى، سونداي-اق 2022 جانە 2024 جىلدارداعى ازيا چەمپيوناتتارىندا ەكى مارتە كۇمىس مەدال يەگەرى اتانعان.