قازاقستاندىق بوكسشى قىز بولگاريادا ءوتىپ جاتقان ءتۋرنيردىڭ فينالىنا شىقتى.
اتالعان حالىقارالىق تۋرنيردە 50 كەلى سالماقتا ەل نامىسىن قورعاپ جاتقان وتانداسىمىز جارتىلاي فينالدا فرانسيا بوكسشىسى رومان مۋلايمەن جۇدىرىقتاسىپ، قارسىلاسىن 5:0 ەسەبىمەن تىزە بۇكتىردى، دەپ حابارلايدى Almaty-akshamy.kz
تورەشىلەر ءبىر اۋىزدان (29:28، 30:27، 29:28، 29:28، 30-27) قىزايبايدى جەڭىمپاز دەپ تانىدى. ايتا كەتەيىك، الەمنىڭ ەكى دۇركىن چەمپيونى نازىم قىزايباي شيرەك فينالدا يسپانيالىق سپورتشى لاۋرا فۋەرتەس فەرناندەسپەن جەكپە-جەككە شىعىپ، تاعى دا تورەشىلەر شەشىمىمەن جەڭىمپاز دەپ تانىلعان بولاتىن.
بۇل حالىقارالىق جارىسقا 36 ەلدەن 450 بوكسشى قاتىسىپ جاتىر. ولاردىڭ قاتارىندا وليمپيادا، الەم جانە ەۋروپا چەمپيوندارى دا بار. تۋرنير 28 اقپاندا مارەسىنە جەتەدى.