مىسىقتى جول بويىنا قالدىرعان ايەل جاۋاپقا تارتىلدى

بۇل قىزىق ءارى كەلەڭسىز جايت پاۆلوداردا بولعان.

مىسىقتى جولدا قالدىرعان پاۆلودارلىق ايەل جاۋاپقا تارتىلدى، دەپ حابارلايدى Almaty-akshamy.kz  Polisia.kz-كە سىلتەمە جاساپ.

پاۆلوداردا tipavlo.dar Instagram الەۋمەتتىك جەلىسىندە جاريالانعان فوتوسۋرەت بويىنشا پوليسيا قىزمەتكەرلەرى تەكسەرۋ جۇرگىزدى. فوتوسۋرەتتىڭ استىندا جۇرگىزۋشى ايەل جول بويىندا توقتاپ، مىسىقتى جولدا قالدىرعانى تۋرالى جازىلعان.

«جۇرگىزۋشىنىڭ جەكە باسى انىقتالدى. بەلگىلى بولعانداي، قالا تۇرعىنى "راحمەت" بازارىنا ازىق-تۇلىك ساتىپ الۋعا كەلگەن، كولىكتىڭ ەسىگى اشىق بولعاندىقتان، دالاداعى مىسىق سالونعا كىرىپ العان. كەيىن مىسىقتىڭ داۋسىن ەستىپ، جۇرگىزۋشى مىسىقتى ماشينادان سىرتقا شىعارعان. وبلىس ورتالىعىنىڭ 57 جاستاعى تۇرعىنىنا قاتىستى ق ر اقبتك 408-بابىنىڭ 1ء-بولىمى (اۋىل شارۋاشىلىعى جانۋارلارىن جايۋ قاعيدالارىن، يتتەر مەن مىسىقتاردى اسىراۋ جانە سەرۋەندەتۋ قاعيدالارىن، قاڭعىباس يتتەر مەن مىسىقتاردى اۋلاۋ جانە جويۋ قاعيدالارىن بۇزۋ) بويىنشا اكىمشىلىك حاتتاما تولتىرىلدى»، – دەپ حابارلادى پاۆلودار وبلىسى پوليسيا دەپارتامەنتىنىڭ باسپا ءسوز قىزمەتى.