كوكتايعاقتىڭ الدى الۋ جۇزەگە اسۋدا
الماتى اكىمدىگىنىڭ مالىمەتىنشە، قالالىق كورىكتەندىرۋ قىزمەتتەرى سۋ تاسقىنى مەن كوكتايعاقتىڭ الدىن الۋ بويىنشا تاۋلىك بويى جۇمىس ىستەپ جاتىر، دەپ حابارلايدى Almaty-akshamy.kz.
«8-9 قاراشا كۇندەرى ءال-فارابي داڭعىلىنىڭ جوعارى جاعىنا 8-10 سم قار ءتۇستى. 9 قاراشا كۇنى ساعات 7:00-دە تاۋلى ايماقتا تۇسكەن قاردىڭ دەڭگەيى 15-20 سم-گە جەتتى. ايدىڭ باسىنان بەرى قالادا 36،6 مم جاڭبىر جاۋدى، نورماسى – 50 مم. تۇنگى ۋاقىتتا 8-9 قاراشا ارالىعىندا 285 ارنايى تەحنيكا، ونىڭ ىشىندە 68 قۇم سەپكىش جانە 357 جول جۇمىسشىسى جۇمىلدىرىلدى»، - دەلىنەدى اكىمدىكتىڭ حابارلاماسىندا.
سونداي-اق، تاۋلى ايماقتا جانە تاۋ بوكتەرىندە كوكتايعاقتىڭ الدىن الۋ ماقساتىندا جولدارعا ينەرتتى ماتەريالدار سەبىلدى جانە تازالاۋ جۇزەگە اسىرىلدى. كوكتايعاققا قارسى 763 توننا ماتەريال پايدالانىلدى. سونداي-اق، قالانىڭ جوعارعى بولىگىندە تروتۋارلار مەن قوعامدىق كولىك ايالدامالارىن قاردان تازارتۋ جۇمىستارى جۇرگىزىلىپ جاتىر.
«9 قاراشا كۇنى تاڭەرتەڭ قالا جولدارىن تازارتۋعا 377 تەحنيكا، ونىڭ ىشىندە 77 قۇم سەپكىش جانە 1 129 جول جۇمىسشىسى جۇمىلدىرىلدى. قازىرگى ۋاقىتتا قالادا جولدار مەن تروتۋارلاردى جاپىراقتاردان تازارتۋ جۇمىستارى جۇرگىزىلىپ جاتىر. اۋدان اكىمدىكتەرىندە جۇمىس بارىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى. «قازگيدرومەتتىڭ» بولجامى بويىنشا، بۇگىن تۇندە جاڭبىر جاۋىپ، ارتى قارعا ۇلاسۋى مۇمكىن. تۇندە جەلدىڭ جىلدامدىعى 3-8 م/س جانە اۋا تەمپەراتۋراسى 0-2 اياز كۇتىلەدى»، - دەپ حابارلادى اكىمدىكتەن.
سونداي-اق، اكىمدىكتەگىلەر جولدىڭ قوزعالىس بولىگىندە كوكتايعاق بولۋ قاۋپىنە بايلانىستى جۇرگىزۋشىلەردىڭ جىلدامدىقتى تومەندەتىپ، اۆتوكولىكتەر اراسىنداعى قاشىقتىقتى ارتتىرىپ، جىلدام مانيەۆر مەن تەجەۋلەر جاساماعانى ءجون ەكەنىن ەسكەرتتى.