بۇل تۋرالى رەسپۋبليكالىق قوعامدىق كەڭەستىڭ ءتوراعاسى ەرلان سايروۆ مالىمدەدى.
ونىڭ ايتۋىنشا، مەملەكەتكە بولات نازاربايەۆتىڭ ەنشىلەس كومپانيالارىنا تيەسىلى ماڭعىستاۋ وبلىسىندا 239 مىڭ گەكتار، جامبىل وبلىسىندا 60 مىڭ گەكتار جەر مەملەكەتكە قايتارىلعانىن اتاپ ءوتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
بۇعان دەيىن باس پروكۋراتۋرامەن بىرلەسىپ جۇرگىزىلگەن جۇمىس بارىسىندا بولات نازاربايەۆقا تيەسىلى جالپى اۋماعى 244 گەكتار بولاتىن 59 جەر تەلىمى انىقتالعان ەدى.
«امانات» پارتياسىنىڭ قوعامدىق الاڭ رەتىندە ءاربىر ازاماتتىڭ ەنشىسى بولىپ تابىلاتىن ۇلتتىق بايلىقتى مەملەكەتكە قايتارۋ باستى ميسسياسى دەپ بىلەمىز! «بارماق باستى، كوز قىستىمەن» جىمقىرىلعان حالىق ىرىزدىعىن قايتارۋ جۇمىسىن جۇيەلى جۇرگىزەمىز. مارتەبەلى فاميلياعا، «بۇرىنعى ەڭبەگىڭىزگە»، قالتاڭىزدىڭ قالىڭدىعىنا قارامايمىز. حالىقتىڭ مەنشىگىنە قول سالدىڭىز با؟ قايتاراسىز. الماقتىڭ دا سالماعى بار جانە ول اۋىر»، - دەدى ەرلان سايروۆ.