باعدات مۋسين: قازاقستاندىق IT-نارىق-بۇل ءقازىردىڭ وزىندە 10 مىڭنان استام IT-كومپانيالار مەن وسى سالادا جۇمىس ىستەيتىن 150 مىڭ ادام
«Digital Almaty-2023» حالىقارالىق سيفرلىق فورۋمىنىڭ سالتاناتتى اشىلۋىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ءسوز سويلەدى، دەپ حابارلايدى Almaty-akshamy.kz.
«Digital Almaty» بۇگىندە بيزنەس وكىلدەرىنىڭ، حالىقارالىق ساراپشىلار مەن IT-قوعامداستىق كەزدەسەتىن بىرەگەي الاڭعا اينالدى. باستى باسىمدىقتارىمىزدىڭ ءبىرى - IT-سالانى دامىتۋ. قازاقستاندىق IT-نارىعى - بۇل ءقازىردىڭ وزىندە 10 مىڭنان استام IT-كومپانيالار مەن وسى سالادا جۇمىس ىستەيتىن 150 مىڭ ادام. IT-يندۋستريادا جۇمىس ىستەيتىن ءبىر ادام ارالاس سالالاردا 3 جۇمىس ورنىن ۇيىمداستىرادى»، - دەدى باعدات مۋسين.
ول فورۋمدا IT-يندۋستريانىڭ زاماناۋي تەندەنسيالارى عانا تالقىلانىپ قويماي، سونىمەن قاتار ونى تاجىريبەدە قولدانۋ ءۇشىن ەڭ ءتيىمدى شەشىمدەر پىسىقتالاتىنىن اتاپ ءوتتى. مينيستر قازىرگى زاماناۋي الەمدە IT كوپتەگەن مىندەتتەردى ورىنداۋعا كومەكتەسەتىنىن جانە جايلى ءومىر سۇرۋگە بارىنشا جاعداي جاسايتىنىن اتاپ ءوتتى. سوندىقتان ءبىزدىڭ مەملەكەت ەكونوميكا سالاسىندا نەمەسە جالپى پروسەستەردە عانا ەمەس، وعان قوسا ازاماتتار ءومىرىنىڭ بارلىق كەزەڭدەرىندە بيزنەس-پروسەستەرىن سيفرلىق ترانسفورماسيالاۋ جۇمىستارىن بەلسەندى تۇردە جۇرگىزۋدە.
الماتى اكىمى ەربولات دوسايەۆ ءوز سوزىندە الماتىنى قازاقستاننىڭ ەڭ ءىرى مەگاپوليسى ەكەنىن جانە الماتىنىڭ سيفرلىق ترانسفورماسيادا سەنىمدى فارۆاتەر رەتىندە اتاپ ءوتتى. قالاعا سيفرلاندىرۋدى ەنگىزۋ دەڭگەيى قازاقستانداعى ەڭ جوعارى كورسەتكىشكە يە: مەملەكەتتىك قىزمەتتەردىڭ 96% -ى سيفرلىق فورماتتا كورسەتىلەدى جانە بۇل كورسەتكىش ۇدايى ءوسىپ كەلەدى.
«الماتىنى ودان ءارى دامىتۋ جانە قالانى باسقارۋدى جاقسارتۋعا مۇمكىندىك بەرەتىن پلاتفورمالىق شەشىمدەر ماڭىزدى جوبا بولىپ تابىلادى. بۇل - قالانىڭ ءبىرىڭعاي دەرەكتەر قويماسى جانە گەواناليتيكانىڭ ءبىرىڭعاي پلاتفورماسى. ءبىرىڭعاي بەينەمونيتورينگ جۇيەسى بيىل الماتىنىڭ 80% -ىن قامتيدى. بۇل سيفرلاندىرۋ ءۇشىن جاسالاتىن سيفرلاندىرۋ ەمەس، بۇل اۋەلى قالادا جايلى ورتا قۇرۋ جانە قالا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋ»، - دەپ اتاپ ءوتتى دوسايەۆ.
Digital Almaty - بۇل سيفرلىق كۇن ءتارتىبىن، سيفرلىق ترانسفورماسيانىڭ جاڭا ستراتەگيالارىن جانە سيفرلىق تەحنولوگيالار سالاسىنداعى ترەندتەردى تالقىلاۋعا ارنالعان ءداستۇرلى ديالوگ الاڭى. فورۋم 2018 جىلدان باستاپ بەسىنشى رەت وتكىزىلىپ كەلەدى. ءىس-شارانى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، ق ر سىرتقى ىستەر مينيسترلىگى، الماتى قالاسىنىڭ اكىمدىگى، Tech Garden جانە Astana Hub ۇيىمداستىرادى. سپونسورلار: Freedom Holding Corporation، CITIX، Jusan Bank، Bereke Bank، Kcell، Eurasian Resources Group/Business & Technology Services، AppStream، Tele2/ALTEL، Halyk Bank، Kazakhtelecom، ALSI Integrations، Dell Technologies، Nurbank، VK Cloud. اقپاراتتىق سەرىكتەستەر: Kapital.kz، Kursiv.media، LSM.kz، NUR.kz، STEPPE، Zakon.kz، CITIX، HeadHunter.kz، Sxodim.com، Qamalladin Media، The Astana Times، WEproject.media، DigitalBusiness.kz، BlueScreen.kz، THE TECH، Limon.kg، Manas.news، DKNews.kz، Armenpress، MyBusiness.kz