الداعى ۋاقىتتا دا بارشانىڭ العىس-ريزاشىلىعى مەن قۇرمەتىنە بولەنە بەرۋىڭىزگە تىلەكتەسپىن - نازاربايەۆ.
نۇرسۇلتان نازاربايەۆ قاسىم-جومارت توقايەۆتى كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى جەڭىسىمەن قۇتتىقتادى، دەپ حابارلايدى Almaty-akshamy.kz.
«ءسىزدى قازاقستان رەسپۋبليكاسىنىڭ پرەزيدەنتى سايلاۋىنداعى ايقىن جەڭىسىڭىزبەن رياسىز كوڭىلمەن قۇتتىقتايمىن! بۇل – مەملەكەت باسشىسى رەتىندەگى بەدەلىڭىزدىڭ ايشىقتى ايعاعى، سونداي-اق اۋقىمدى رەفورمالارىڭىز بەن تىڭ باستامالارىڭىزعا جانە تاۋەلسىزدىك تاعدىرى تارازىعا تارتىلعان سىن ساعاتتا كورسەتە بىلگەن تاباندى دا شەشىمتال مىنەزىڭىزگە، اقىل-پاراساتىڭىزعا دەگەن حالىقتىڭ قالتقىسىز سەنىمىنىڭ داۋسىز دالەلى. الداعى ۋاقىتتا دا بارشانىڭ العىس-ريزاشىلىعى مەن قۇرمەتىنە بولەنە بەرۋىڭىزگە تىلەكتەسپىن»، - دەلىنگەن تۇڭعىش پرەزيدەنتتىڭ قۇتتىقتاۋىندا.