سايلاۋ زاڭعا سايكەس ءوتتى - تاۋەلسىز بايقاۋشىلار

ءبىزدىڭ بايقاۋشىلار ەشبىر زاڭ بۇزۋشىلىق تىركەگەن جوق. حالىق ءوز ەركىمەن كەلىپ، تاڭداۋ جاسادى - پىكىر

سايلاۋ كۇنى 3643 بايقاۋشى جۇمىس ىستەسە، سونىڭ 190-ى – شەتتەن كەلگەندەر بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«پارتيالىق ەمەس باقىلاۋ ورتالىعى» رقب سقو فيليالى ءتوراعاسى جانات مۇحامەتجانوۆتىڭ ايتۋىنشا، بىرلەستىكتىڭ بايقاۋشىلارى سايلاۋ ۋچاسكەلەرى اشىلعان ساتىنەن باستاپ جابىلعانشا جۇمىس ىستەدى. ولار وڭىردەگى 640 ۋچاسكەنىڭ 628ء-ىن قامتىدى، ساياسي ناۋقاننىڭ ءوتۋ بارىسىن بايقادى.

«ءبىزدىڭ بايقاۋشىلار ەشبىر زاڭ بۇزۋشىلىق تىركەگەن جوق. حالىق ءوز ەركىمەن كەلىپ، تاڭداۋ جاسادى. حالىق بۇل كۇندى مەرەكە رەتىندە سەزىنىپ، جاقسى كوڭىل-كۇيمەن قابىلدادى. ءار سايلاۋ ۋچاسكەسىندە شاعىن جارمەڭكە، بۋفەت ۇيىمداستىرىلعان ەكەن. جالپى، سايلاۋ زاڭعا سايكەس ءوتتى. ءبىز، نەگىزى - تاۋەلسىز بايقاۋشىلارمىز. بۇل كۇنى ءۇش اۋىسىم بويىنشا جۇمىس ىستەدىك»، - دەدى جانات مۇحامەتجانوۆ.

سقو-دا سايلاۋدىڭ ءادىل ءوتۋىن 3 643 بايقاۋشى باقىلادى. ولاردىڭ 190-ى – حالىقارالىق بايقاۋشى. سونداي-اق 2 مىڭى پارتيالىق ەمەس ۇيىمداردىڭ اتىنان تىركەلگەن. ولار داۋىس بەرۋ اياقتالعاننان كەيىن بيۋللەتەندەردى ساناۋعا قاتىستى.

«سايلاۋدىڭ قالاي ءوتىپ جاتقانىن، تالاپتار ساقتالدى ما، سايلاۋشىلاردىڭ قۇقىعى بۇزىلعان جوق پا، سونى باقىلادىق. ءبىز ەشقانداي كەمشىلىكتەردى كورگەن جوقپىز. سايلاۋ ۋچاسكەلەرىندە ۇگىت ماتەريالدارى بولعان جوق»، - دەدى بايقاۋشى بەيبىت ابىليەۆ.

جالپى، سقو-دا 640 سايلاۋ ۋچاسكەسى جۇمىس ىستەدى. ءتىزىم بويىنشا 386 مىڭ سايلاۋشى بولدى. ق ر ورتالىق سايلاۋ كوميسسياسىنىڭ ازاماتتاردىڭ كەلۋى تۋرالى الدىن الا اقپارى بويىنشا ءوڭىر تۇرعىندارىنىڭ 79،01 % داۋىس بەردى.