سايلاۋ قۇقىعىن جۇزەگە اسىرۋى ءۇشىن بارلىق جاعداي جاسالدى.
تمد پارلامەنتارالىق اسسامبلەياسىنىڭ حالىقارالىق باقىلاۋشىسى يسلامبەك مۇرسابەكوۆ بىشكەكتە وتكەن قازاقستان پرەزيدەنتىن كەزەكتەن تىس سايلاۋ پروسەسىندە ەسكەرتۋلەردىڭ بولماعانىن جانە زاڭ بۇزىلماعانىن اتاپ ءوتتى، دەپ حابارلايدى Almaty-akshamy.kz Almaty.tv cىلتەمە جاساپ.
«بۇگىن ءبىز قازاقستاننىڭ قىرعىز رەسپۋبليكاسىنداعى ەلشىلىگىندەگى سايلاۋ ۋچاسكەسىندە سايلاۋ بارىسىن باقىلادىق. ۋچاسكەلىك كوميسسيا سايلاۋ ۇدەرىسىن قازاقستان رەسپۋبليكاسىنىڭ زاڭناماسىنا جانە حالىقارالىق سايلاۋ ستاندارتتارىنىڭ تالاپتارىنا سايكەس جوعارى دەڭگەيدە ۇيىمداستىرىپ، كوپتەگەن اقپاراتتىق جۇمىستار جۇرگىزگەنىن اتاپ وتكىم كەلەدى. سايلاۋشىلار داۋىس بەرۋگە قالاي قاتىسقانىن كوردىك. سايتتا كانديداتتار، داۋىس بەرۋ بارىسى مەن ءتارتىبى تۋرالى اقپاراتتىق ستەندتەر قويىلىپ، جاسىرىن داۋىس بەرۋگە ارنالعان كابينا دا ورناتىلعان. وسىعان سايكەس قازاقستان حالقىنىڭ ءوز سايلاۋ قۇقىعىن جۇزەگە اسىرۋى ءۇشىن بارلىق جاعداي جاسالدى. داۋىس بەرۋ كەزىندە ەسكەرتۋلەر مەن زاڭ بۇزۋشىلىقتار تىركەلگەن جوق»، - دەدى حالىقارالىق باقىلاۋشى يسلامبەك مۇرسابەكوۆ.