قازاقستان رەسپۋبليكاسى تۇڭعىش پرەزيدەنتىنىڭ ءومىرباياندىق كىتابى 1 جەلتوقساندا جارىق كوردى.
بۇل تۋرالى رەسەي پرەزيدەنتىنىڭ باسپا ءسوز حاتشىسى دميتريي پەسكوۆ مالىمدەدى، دەپ حابارلايدى Almaty-akshamy.kz
اۆتور كىتابىنىڭ ءبىر داناسىن كرەملگە جىبەرگەن.
"نۇرسۇلتان ءابىش ۇلى كىتابىن ۆلاديمير ۆلاديميروۆيچكە جىبەردى. ول ءبىزدىڭ پرەزيدەنتكە بەرىلەدى. سەبەبى، بۇل – اۆتوردىڭ كوشىرمەسى"، - دەدى پەسكوۆ بريفينگتە.
نازاربايەۆتىڭ "مەنىڭ ءومىرىم. تاۋەلدىلىكتەن بوستاندىققا" كىتابى 22 تاراۋدان تۇرادى. ولاردىڭ ءارقايسى اۆتوردىڭ جەكە ومىرىندەگى نەمەسە ونىڭ ساياسي مانسابىنداعى ءتۇرلى وقيعاعا ارنالعان.
ماسەلەن، نۇرسۇلتان نازاربايەۆ ءوزىنىڭ ەكىنشى ايەلى مەن تاعى ەكى ۇلى بار ەكەنىن مويىندادى. سونداي-اق قازاقستان پرەزيدەنتى لاۋازىمىندا مۇراگەر رەتىندە قاسىم-جومارت توقايەۆتى تاڭداۋ تۋرالى شەشىم جانە 2022 جىلعى قاڭتاردا رەسپۋبليكاداعى جاپپاي نارازىلىقتار تۋرالى ايتتى.