شىرشالار، ەرتەگى كەيىپكەرلەرىنىڭ فيگۋرالارى جانە مەرەكەنىڭ باسقا اتريبۋتتارى جەلتوقسان ايىنىڭ ورتاسىندا مەگاپوليس كوشەلەرىندە پايدا بولا باستايدى.
قازىرگى ۋاقىتتا اشىق كونكۋرس ءوتىپ جاتىر، ونىڭ قورىتىندىسى بويىنشا قانداي كومپانيا جانە جاڭا جىلعا قاراي قالانى بەزەندىرۋمەن قانداي سوماعا اينالىساتىنى انىق بولادى. ديزاين بويىنشا نەگىزگى جۇمىس جەلتوقسان ايىنىڭ ورتاسىندا باستالادى. بۇل تۋرالى وكق بريفينگى بارىسىندا الماتى قالاسى اكىمىنىڭ ورىنباسارى ارمان قىرىقبايەۆ مالىمدەدى، دەپ حابارلايدى Almaty-akshamy.kz.
جۋرناليستەردىڭ سۇراقتارىنا جاۋاپ بەرگەن ارمان قىرىقبايەۆ ۇزىندىعى 20 مەتر بولاتىن جاڭا جىلعى باستى شىرشا اباي اتىنداعى الاڭدا ورناتىلاتىنىن ايتتى. ونى سالتاناتتى تۇردە 20 جەلتوقساندا جاعىلىپ، مەرەكەلىك كونسەرت 20 جەلتوقساندا وتەدى.
«بارلىق تىلەك بىلدىرۋشىلەر وعان قاتىسا الادى. جالپى، جاڭا جىلدا قالادا 60-تان استام شىرشا ورناتىلادى. قالا تۇرعىندارى مەن قوناقتارى ءۇشىن ءتۇرلى تاقىرىپتىق ءىس-شارالار وتەدى - بۇل جاڭا جىلدىق قىسقى فەستيۆال، ءتۇرلى شەبەرلىك سىنىپتارى، جاس سۋرەتشىلەردىڭ سۋرەت كورمەلەرى، انيماتورلار باعدارلامالارى، كونسەرتتەر جانە موبيلوگرافتار اراسىندا جاڭا جىلدىق ۇزدىك بەينەروليكتەرگە ارنالعان بايقاۋ. العاش رەت تۋىستارى مەن جاقىندارىنا سىيلىقتار ساتىپ الۋعا بولاتىن اۋدانداردا جاڭا جىلدىق جارمەڭكە ۇيىمداستىرۋدى جوسپارلاپ وتىرمىز. سونداي-اق اياز اتالار شەرۋى وتەدى»، - دەپ حابارلادى ا. قىرىقبايەۆ.
جىل سايىن شوب، ءىرى ساۋدا ورتالىقتارى جانە باسقا دا سۋبەكتىلەر جاڭا جىلدىق بەزەندىرۋگە بەلسەندى قاتىسادى جانە كەلۋشىلەردى قۋانتقىسى كەلەدى.
قالانى بەزەندىرۋدە جارىق كومپوزيسيالارىنىڭ ءبىرىڭعاي ستيلدە بولۋىنا باستى نازار اۋدارىلادى. جاياۋ جۇرگىنشى كوشەلەرى (پانفيلوۆ جانە جىبەك جولى)، اباي جانە استانا الاڭدارى، تۇڭعىش پرەزيدەنت ساياباعى، اباي اتىنداعى قازاق ۇلتتىق وپەرا جانە بالەت تەاترىنىڭ، ن. ساس اتىنداعى جاسوسپىرىمدەر تەاترىنىڭ، «الماتى ارەنا» مۇز كەشەنىنىڭ الدىنداعى الاڭدار، سونداي-اق ءاربىر اۋدانداعى تارتىمدى نۇكتەلەر ينستاللياسيالارمەن، يلليۋميناسيالارمەن جانە فوتو-ايماقتارمەن بەزەندىرىلەدى.
ارمان قىرىقبايەۆ جاڭا جىلدىق بەزەندىرۋ كەزىندە پايدالانۋعا جارامدى وتكەن جىلعىدان قالعان كونسترۋكسيالاردى پايدالانۋ جوسپارلانعانىن اتاپ ءوتتى.
ال جاپپاي سىرعاناۋ ءۇشىن قالادا 22 اشىق مۇز ايدىنى ۇيىمداستىرىلادى. اشىق مۇز ايدىندارىنىڭ اۋماعىندا سپورتتىق-ويىن-ساۋىق باعدارلامالارىن، كونكۋرستاردى، فلەشموبتاردى، جۇلدەلەرمەن ۇتىس ويىندارىن، دەمالىس ايماقتارى مەن كوفە-پوينتتاردى ۇيىمداستىرۋ جوسپارلانعان.