21 ناۋرىزدا الماتىدا ناۋرىزناما اياسىندا تەاترلاندىرىلعان كەرۋەن ءجۇرىپ وتەدى. وعان باتىر، بۇركىتشى، اقىن جانە باسقا دا وبرازداعى 1000-نان استام ادام قاتىسادى. سونىمەن قاتار، قالا تۇرعىندارى مەن قوناقتارى ارباداعى كيىز ءۇيدى، قىز كۇيمەسىن، قورجىنعا جىبەك ماتالار مەن كىلەمدەر ارتقان تۇيەلەردى، ات ۇستىگدەگى باتىرلاردى، قۇماي تازىلار مەن مەرگەنشىلەردى، جالپى جەتى قازىنا نىشاندارىن كورەدى الادى.
«كوش. ناۋرىز – دۋمان» مەرەكەلىك كەرۋەنى 21 ناۋرىز كۇنى ساعات 10:00-دە باستالىپ، اباي داڭعىلىنىڭ بويىمەن، باتىس باعىتتا دوستىق داڭعىلىنان ابىلاي حان داڭعىلىنا دەيىن، ودان كەيىن ابىلاي حان داڭعىلىمەن سولتۇستىك باعىتتا استانا الاڭىنا دەيىن ءجۇرىپ وتەدى.
