كوزدەن كەتسە دە، كوڭىلدەن كەتپەدى....
ەلدى 30 جىلداي باسقارعان تۇڭعىش پرەزيدەنت نۇرسۇلتان نازاربايەۆ 2019 جىلى 19 ناۋرىز كۇنى پرەزيدەنتى رەتىندەگى وكىلەتتىگىن توقتاتقان ەدى، دەپ حابارلايدى Almaty-akshamy.kz.
وسىدان بەس جىل بۇرىن ءدال وسى كۇنى سول كەزدەگى مەملەكەت باسشىسى نۇرسۇلتان نازاربايەۆتىڭ قازاقستان حالقىنا ۇندەۋ جولدادى. وندا ول پرەزيدەنتتىكتەن كەتەتىنىن مالىمدەگەن بولاتىن:
«مەن قازاقستان رەسپۋبليكاسىنىڭ پرەزيدەنتى رەتىندەگى وكىلەتتىگىمدى توقتاتۋ جونىندە شەشىم قابىلدادىم. بۇل – وڭاي شەشىم ەمەس.
بيىل ەلىمىزدىڭ ەڭ جوعارى لاۋازىمىنداعى قىزمەتىمدى اتقارىپ كەلە جاتقانىما 30 جىل تولادى.
حالقىم ماعان تاۋەلسىز قازاقستاننىڭ تۇڭعىش پرەزيدەنتى بولۋ مۇمكىندىگىن بەردى.
كەڭەس يمپەرياسى قۇلاعان ساتتە ءبىزدىڭ ساياساتىمىز بەن ەكونوميكامىز قۇلدىراپ قالدى. ەل ىشىندە قوبالجۋ مەن تۇسىنىكسىز جاعداي ورىن الدى.
ىشكى جالپى ءونىم ەكى ەسە قىسقاردى، ازىق-تۇلىك پەن حالىق تۇتىناتىن تاۋارلاردىڭ تاپشىلىعى ايقىن سەزىلدى. ءبىر مەزەتتە ءىرى زاۋىتتاردىڭ ءبارى توقتاپ قالدى. دۇنيە توڭكەرىلىپ كەتكەندەي كورىندى.
بۇل سىناق بولاتىن. ءبىز ودان سۇرىنبەي ءوتىپ، دامۋدىڭ قازاقستاندىق جولىن سالۋعا بەلسەنە كىرىسىپ كەتتىك»، - دەگەن بولاتىن نۇرسۇلتان نازاربايەۆ 2019 جىلى 19 ناۋرىزداعى ۇندەۋىندە.
سول كەزدە نازاربايەۆ ءوزىنىڭ ورنىن وعان لايىقتى ازامات رەتىندە قاسىم-جومارت كەمەلۇلىنا سەنىپ تاپسىرعان ەدى.