استانادا ەكى ساتۋشىدان 100 كەلىگە جۋىق ناسىباي تاركىلەندى. ەلوردادا بارلىق بەس اۋداندا ناسىباي مەن ۆەيپ ونىمدەرىن ساتۋ جانە وتكىزۋ فاكتىلەرىن انىقتاۋ ماقساتىندا رەيد جۇمىستارى جۇرگىزىلدى.
استانا تەلەارناسىنىڭ مالىمەتىنە سۇيەنسەك، پوليسيا دەپارتامەنتىنىڭ قىزمەتكەرلەرى اۋدان اكىمدىكتەرىمەن بىرلەسىپ شەگىلمەيتىن تەمەكى ونىمدەرىن ساتۋ مەن تاراتۋدىڭ 50-گە جۋىق فاكتىسىن انىقتاعان، دەپ حابارلايدى اlmaty-akshamy.kz.
بازاردا ناسىباي ساتۋشى كۇلان اناربەكوۆا ءتارتىپ ساقشىلارىنا بار جاعدايىن ايتىپ، تۇسىندىرۋدە. شوبەرەسىنىڭ ناۋقاس ەكەنىن العا تارتىپ جاسىرىن ساتىپ وتىرعان تاۋارىن تاستاپ كەتۋدى ءوتىندى. الايدا زاڭ بارىنە ورتاق، ول ۇلكەننىڭ ءوتىنىشى مەن كوز جاسىنا قارامايدى. جاسى 70-تەن اسقان زەينەتكەرگە زياندى ءونىمدى تىعىپ ساتقانى ءۇشىن 45 000 تەڭگە ايىپپۇل سالىندى.
مەن شىمكەنتتەن، ابايدان الدىرامىن. ءوزىمىز ەگەمىز عوي ونى، -دەيدى ساتۋشى كۇلان اناربايەۆا
قالا تۇرعىندارى اراسىندا شايتان بازار اتالىپ كەتكەن ماڭدا ناسىباي ساتاتىندار كوپ. بۇرىن جايىپ ساتاتىن بولسا، ءقازىر تىعىپ بەرەدى. ءتىپتى بازار ماڭايىندا ساۋداگەرلەرگە كوتەرمە باعامەن جەتكىزىپ بەرەتىندەر دە بار. ەلوردالىق بەكزات ۇسىپبەكوۆ 4 ايدان بەرى ناسىباي ساتۋمەن اينالىسادى. ءوزى ءونىمدى شىمكەنت قالاسىنان الدىرادى.
ايىنا ءبىر قاپ، ەكى قاپ الدىرامىن. باستاعانىما 4 اي بولدى. زاڭ كۇشىنە ەندى عوي، ەندى توقتاتامىز. ءقازىر انادا ەكى مەشوك تۇر. 55-60 كەلىدەي بار، -دەيدى قالا تۇرعىنى بەكزات ۇسىپبەكوۆ.
رەيد جۇمىستارى جابىق بازار ىشىندە جالعاستى. ءتارتىپ ساقشىلارى مۇندا بۇرىن ناسىباي ساتقانداردىڭ سورەلەرىن اقتارىپ شىقتى. الايدا ەشتەڭە تابىلمادى.
ناسىبايعا تىيىم سالىنعانىن بىلگەننەن باستاپ، بازار ىشىندە ساتاتىندارعا ەسكەرتۋ جاسالدى. بۇل ءونىم سورەلەردەن الىندى. كۇندەلىكتى باقىلاۋ جۇرگىزىپ وتىرامىز. ءقازىر ەشكىم ساتىپ جاتقان جوق. ال ەگەر ساتىپ جاتقانىن انىقتاساق، ول ساۋداگەرمەن كەلىسىم شارت توقتاتىلىپ، ساۋدا ورنىن قايتارىپ الاتىن بولامىز،- دەيدى بازار اكىمشىسى ناتاليا بەريكحانوۆا.
ەل بويىنشا ۆەيپ نارىعىندا 6000 ساۋدا ورىنى تىركەلگەن. رەسمي ستاتيستيكا وسىلاي دەيدى. ال بەيرەسمي ساتىپ جاتقانداردىڭ ناقتى سانى جوق. الايدا، ەندى پايدا ويلاعان مۇنداي ساتۋشىلاردىڭ جولى تۇبەگەيلى كەسىلەدى.
ىشكى ىستەر مينيسترلىگىنىڭ مالىمەتىنشە، ناسىباي- ۆەيپ سىندى ونىمدەردى تاراتۋعا، وندىرۋگە جانە ساتۋعا تىيىم سالۋ كوزدەلگەن. شەگىلمەيتىن تەمەكى ونىمدەرىن زاڭسىز ساتاتىندارعا قارسى 18-31 ناۋرىز ارالىعىندا رەيد جۇرگىزىلەدى، - دەپ ەسكەرتتى «سارىارقا» اۋدانى پوليسيا باسقارماسى باستىعىنىڭ ورىنباسارى داستان تالعات ۇلى.
قالاداعى دۇكەندەردى ارالاۋ كەزىندە شەگىلمەيتىن تەمەكى ونىمدەرىن ساتۋ جانە تاراتۋ فاكتىلەرى انىقتالدى. ولارعا 92 مىڭ تەڭگەدەن استام مولشەردە ايىپپۇل كوزدەلگەن.
الماتى اۋدانىنىڭ اكىمدىگى جانە استانا قالاسىنىڭ جاستار ساياساتىنىڭ ماسەلەلەرىنىڭ باسقارماسى جانە قوعام بەلسەندىلەرى بىرىگىپ ەلفبار ساتاتىن، ودنورازكا ساتاتىن دۇكەندەرگە تۇسىندىرمە جۇمىستارى جۇرگىزىلدى. الماتى اۋدانىندا 43 وسىنداي ەلفبار ساتاتىن دۇكەن جۇمىس جاساپ جاتىر، - دەيدى قازاقستان ستۋدەنتتەر اليانسى رەسپۋبليكالىق ستۋدەنتتەن قوزعالىسىنىڭ ءتوراعاسى ۇلان امانعازى ۇلى مانعازى ۇلى.
الەم بويىنشا 40-تان استام مەملەكەتتە شەگىلمەيتىن تەمەكى ونىمدەرىن ساتۋ زاڭمەن شەكتەلگەن. قازاقستان دا بۇل ماسەلەگە نۇكتە قويماقشى.