الماتى قالاسىنىڭ اۋەزوۆ اۋدانىندا "ناۋرىزناما" مەرەكەلىك اپتالىعى اياسىندا ۇلتتىق سپورت تۇرلەرىنە ارنالعان كۇن ۇيىمداستىرىلدى. بۇل شاراعا "شىڭعا ورلەۋ" الەۋمەتتىك كلۋبىنىڭ تاربيەلەنۋشىلەرى قاتىسىپ، ارقان تارتۋ، اسىق اتۋ، توعىزقۇمالاق، تىماق ۇرۋ، ارمرەستلينگ سياقتى ءداستۇرلى ويىنداردا ءوزارا ب ا ق سىنادى، دەپ حابارلايدى Aqshamnews.kz
"شىڭعا ورلەۋ" قوعامدىق قورىنىڭ ديرەكتورى بۋلات ابىشيەۆتىڭ ايتۋىنشا، بۇل شارا بالالاردىڭ ويلاۋ قابىلەتىن، جىلدامدىعى مەن ەپتىلىگىن دامىتىپ قانا قويماي، ولاردى ۇلتتىق قۇندىلىقتاردى قۇرمەتتەۋگە، ۇلكەندەردى سىيلاۋعا، پاتريوتتىق سەزىمدى قالىپتاستىرۋعا باۋليدى.
كوكتەمنىڭ شۋاقتى كۇنى سايىسكەرلەرگە كوتەرىڭكى كوڭىل-كۇي سىيلادى. جارىستىڭ بەلسەندى قاتىسۋشىسى ءالينۇر قايداروۆ ارقان تارتۋ سايىسىندا جەڭىمپاز اتاندى.
"بۇگىن ۇلتتىق ويىنداردى ويناۋ ءۇشىن كەلدىك. ماعان اسىرەسە اسىق اتۋ قاتتى ۇنايدى. ال ارقان تارتۋ سايىسىندا جەڭىمپاز بولعانىما ەرەكشە قۋانىشتىمىن. "شىڭعا ورلەۋ" كلۋبى ماعان تەگىن ءبىلىم الىپ، ءتۇرلى ۇيىرمەلەرگە قاتىسۋعا مۇمكىندىك بەرەدى. بارشاڭىزدى ناۋرىز مەرەكەسىمەن قۇتتىقتايمىن!" – دەدى جاس جەڭىمپاز.