استانادا قازاقستان مۇسىلماندارىنىڭ ح قۇرىلتايى ءوتىپ جاتىر.
قۇرىلتاي بارىسىندا ناۋرىزباي قاجى تاعان ۇلى باس ءمۇفتي بولىپ قايتا سايلاندى. ناۋرىزباي قاجى تاعان ۇلى باس ءمۇفتي مىندەتىنە 2020 جىلدان بەرى اتقارىپ كەلەدى، دەپ حابارلايدى aqshamnews.kz El.kz-كە سىلتەمە جاساپ.
ناۋرىزباي قاجى تاعان ۇلى 1977 جىلدىڭ 13 ناۋرىزىندا دۇنيەگە كەلگەن.
ءبىلىمى:
1993-1997 جىلدارى تاشكەنتتەگى «يمام ءال-بۇحاري» اتىنداعى يسلام ينستيتۋتىندا وقىپ جوعارعى ءدىني ءبىلىم العان.
1999-2001 جىلدارى قمدب جانىنداعى يسلام ينستيتۋتىندا وقىعان.
2009 جىلى مىسىر اراب رەسپۋبليكاسىندا ءدىني ءبىلىمىن جەتىلدىرگەن.
2010 جىلى اباي اتىنداعى الماتى مەملەكەتتىك ۋنيۆەرسيتەتىنىڭ «تاريح» ماماندىعى بويىنشا سىرتتاي وقىپ، جوعارعى ءبىلىم العان.
2011-2013 جىلدارى اتالعان ۋنيۆەرسيتەتتىڭ «ءدىنتانۋ» ماماندىعى بويىنشا ماگيستراتۋراسىن بىتىرگەن.
2017-2020 جىلدارى «نۇر-مۇباراك» ەگيپەت يسلام مادەنيەتى ۋنيۆەرسيتەتىندە «يسلامتانۋ» ماماندىعى بويىنشا PhD دوكتور دارەجەسىن قورعادى.
ەڭبەك جولى:
1997-2006 جىلدارى رەسپۋبليكامىزدىڭ ءتۇرلى مەشىتتەرىندە يمامدىق قىزمەتتەردى اتقارۋمەن ەڭبەك جولىن باستاعان.
2006-2011 جىلدارى قمدب-نىڭ قاراعاندى وڭىرىندەگى وكىلى، قاراعاندى قالالىق №1 ورتالىق مەشىتىنىڭ باس يمامى.
2011-2013 جىلدارى قازاقستان رەسپۋبليكاسى ءدىن ىستەرى اگەنتتىگىنىڭ ءدىني بىرلەستىكتەرمەن بايلانىس جونىندەگى باسقارمانىڭ باس ساراپشىسى.
2013-2018 جىلدارى قمدب ءتوراعاسىنىڭ ءبىرىنشى ورىنباسارى، نايب ءمۇفتي، قمدب-نىڭ استانا قالاسى بويىنشا وكىلى، «نۇر استانا» ورتالىق مەشىتىنىڭ باس يمامى.
2018 جىلدىڭ شىلدە-قازان ايلارى قمدب ءتوراعاسىنىڭ ءبىرىنشى ورىنباسارى، نايب ءمۇفتي، قمدب-نىڭ تۇركىستان قالاسىنداعى كەڭسە باسشىسى، تۇركىستان وبلىسى بويىنشا وكىل يمامى.
2018 جىلدىڭ قازان ايىنان باستاپ قمدب ءتوراعاسىنىڭ ءبىرىنشى ورىنباسارى، نايب ءمۇفتي، قمدب-نىڭ نۇر-سۇلتان قالاسى بويىنشا وكىلى، رەسپۋبليكالىق «ازىرەت سۇلتان» مەشىتىنىڭ باس يمامى.
2020 جىلدىڭ 7 اقپانىندا ەلوردادا قازاقستان مۇسىلماندارىنىڭ كەزەكتەن تىس ءىح قۇرىلتايىندا باس ءمۇفتي بولىپ سايلاندى.