قازاقستان رەسپۋبليكاسىنىڭ پرەمەر-مينيسترىنىڭ تاپسىرماسىن ورىنداۋ اياسىندا اۋىل شارۋاشىلىعىن سۋبسيديالاۋدىڭ تيىمدىلىگىن انىقتاۋ ءۇشىن مينيسترلىك قارسى مىندەتتەمەلەردى وزەكتەندىرۋ بويىنشا جۇمىس جۇرگىزىپ، سۋبسيديالاۋ ەرەجەلەرىنە ءۇش باعىت بويىنشا وزگەرىستەر ەنگىزدى.
بۇل وزگەرىستەر اگروونەركاسىپتىك كەشەننىڭ (تاۋارلار نەمەسە قىزمەتتەر) جالپى ءونىمىنىڭ كولەمىن اقشاعا شاققاندا وتكەن جىلعى دەڭگەيدەن ءوسىرۋدى نەمەسە ساقتاۋدى قامتاماسىز ەتۋگە باعىتتالعان قارسى مىندەتتەمەلەردى ەنگىزۋدى قاراستىرادى، دەپ حابارلايدى akshamnews.kz اشم-گە سىلتەمە جاساپ.
اۋىل شارۋاشىلىعى تاۋار ءوندىرۋشىسىنىڭ مىندەتتەمەلەردى ورىنداۋ دەڭگەيى مەملەكەتتىك سۋبسيديالاۋ اقپاراتتىق جۇيەسىندە تىركەلەدى.
ەگەر مىندەتتەمەلەر قاتارىنان 2 جىل بويى ورىندالماسا، سۋبسيديا الۋ ءۇشىن ءوتىنىم بەرۋ مۇمكىندىگى توقتاتىلادى.
قازاقستان رەسپۋبليكاسىنىڭ اۋىل شارۋاشىلىعى ءمينيسترىنىڭ «شىعىس قازاقستان وبلىسى گلۋبوكوە اۋدانىندا اگروونەركاسىپتىك كەشەن سۋبەكتىلەرىنىڭ وسىمدىك شارۋاشىلىعى جانە مال شارۋاشىلىعى سالالارى بويىنشا سۋبسيديالاۋ باعىتتارى اياسىندا قارسى مىندەتتەمەلەر قابىلداۋ جونىندەگى پيلوتتىق جوبانى ىسكە اسىرۋ جانە جۇمىس توبىن قۇرۋ تۋرالى» بۇيرىعىنا سايكەس، شىعىس قازاقستان وبلىسى گلۋبوكوە اۋدانىندا وسىمدىك شارۋاشىلىعى مەن مال شارۋاشىلىعى سالالارى بويىنشا سۋبسيديا الۋشىلاردىڭ قارسى مىندەتتەمەلەر قابىلداۋ پيلوتتىق جوباسى جۇزەگە اسىرىلدى.
پيلوتتىق جوبانى ىسكە اسىرۋ ناتيجەسىندە، سىبايلاس جەمقورلىق تاۋەكەلدەرىن بولدىرماۋ جانە باعا قۇبىلمالىلىعىنىڭ ناقتى ءوندىرىس وسىمىنە اسەرىن جويۋ، سونداي-اق اگروونەركاسىپتىك كەشەن ونىمدەرىنىڭ ناقتى ءوندىرىس كولەمىن ايقىنداۋ ماقساتىندا ق ر اشم كەيبىر بۇيرىقتارىنا وزگەرىستەر مەن تولىقتىرۋلار ەنگىزىلدى.
اۋىل شارۋاشىلىعى تاۋار وندىرۋشىلەرىنىڭ قارسى مىندەتتەمەلەر قابىلداۋ مەحانيزمىن تالقىلاۋ ماقساتىندا ق ر «اتامەكەن» ۇكپ پرەزيديۋمى اگروونەركاسىپتىك كەشەن مۇشەلەرىنىڭ قاتىسۋىمەن اشم كەڭەس وتكىزدى.
وسىمدىك شارۋاشىلىعى، مال شارۋاشىلىعى جانە اۋىل شارۋاشىلىعى ونىمدەرىن وڭدەۋ باعىتتارى بويىنشا سۋبسيديالار الۋ كەزىندە اۋىل شارۋاشىلىعى تاۋار وندىرۋشىلەرىنىڭ قارسى مىندەتتەمەلەر قابىلداۋ مەحانيزمىن تالقىلاۋ جونىندەگى كەڭەس حاتتاماسىندا 2024 جىلعا بەلگىلەنگەن باعانى پايدالانۋ ارقىلى قارسى مىندەتتەمەلەر قابىلداۋ مەحانيزمىن جۇزەگە اسىرۋ ۇسىنىسى ماقۇلداندى.
سونداي-اق قارسى مىندەتتەمەلەردى ءبىرىنشى رەت ورىنداماعان جاعدايدا سۋبسيدياعا ءوتىنىم بەرۋ مۇمكىندىگىن 1 جىلدان كەيىن، ال قايتادان ورىنداماعان جاعدايدا 2 جىلدان كەيىن قايتا جانداندىرۋ ۇسىنىسى ماقۇلداندى.