ناۋرىزباي اۋدانىنىڭ تۇرعىندارى تۇراقتى گازبەن قامتاماسىز ەتىلەدى

الماتىنىڭ ناۋرىزباي اۋدانىندا گازبەن جابدىقتاۋدىڭ جاڭا ماگيسترالدىق جەلىسى سالىنىپ جاتىر

مەگاپوليس باسشىسى ەربولات دوسايەۆ جۇمىس ساپارى بارىسىندا الماتىنىڭ ناۋرىزباي اۋدانىندا گازبەن جابدىقتاۋدىڭ ماگيسترالدىق جەلىنىڭ قۇرىلىس بارىسىمەن تانىستى، دەپ حابارلايدى almaty-akshamy.kz

ەنەرگەتيكا جانە سۋمەن جابدىقتاۋ باسقارماسىنىڭ تاپسىرىسىمەن قارقىندى دامىپ كەلە جاتقان ناۋرىزباي اۋدانىندا ۇزىندىعى 6،7 كم جاڭا جوعارى قىسىمدى گاز قۇبىرى سالىنادى.

بيىل اقپاندا مەردىگەر «Akbars stroy Ltd» جشس-مەن شارت جاسالدى.

الماتى اكىمىنە جۇمىستاردىڭ جوسپار بويىنشا جۇرگىزىلىپ جاتقانى باياندالدى: ءقازىر «Alma City» تۇك اۋماعىندا 168 م قۇبىر توسەلدى، الاتاۋ داڭعىلىندا ترانشەيالىق جۇمىستار جۇرگىزىلۋدە، وندا 825 م قۇبىر توسەلدى، سابدەنوۆ كوشەسىندە تەسۋ ادىسىمەن 96 م گاز قۇبىرى تارتىلدى.

ەربولات دوسايەۆ بولاشاقتا ىركىلىستەردى بولدىرماۋ ءۇشىن اۋداننىڭ بولاشاعى زور قۇرىلىسىن ەسكەرە وتىرىپ، گازبەن جابدىقتاۋ جەلىلەرىن سالۋ قاجەتتىگىن اتاپ ءوتتى.

جاڭا ماگيسترالدىق گاز قۇبىرىن ىسكە قوسۋ جەكە جەتكىزۋشى قىزمەت كورسەتكەن قالاعا قوسىلعان اۋماق تۇرعىندارىنىڭ كوپجىلدىق ماسەلەسىن شەشەدى.

سونداي-اق، «Alma City»، «ەلىم-اي 4» تۇك، «ەليسەي الاڭدارى» كق جانە بولاشاعى زور قۇرىلىس سىندى جاڭا قۇرىلىستارداعى 3 مىڭ ادام تۇراقتى گازبەن قامتىلادى.
 
قۇرىلىس 2024 جىلدىڭ قازان ايىندا اياقتالادى دەپ بولجانىپ وتىر. 

جالپى، الماتىدا گاز تارتۋ دەڭگەيى 99،4%.