ناۋرىزباي اۋدانى تۇرعىندارىمەن كەزدەسۋ بارىسىندا جەرگىلىكتى حالىق الماتى اكىمىنە ماڭىزدى ماسەلەنى – تاۋسامالى شاعىن اۋدانىنداعى كوشە جارىعى ورناتۋدى شەشكەنى ءۇشىن العىس ايتتى، دەپ حابارلايدى aqshamnews.kz
تۇرعىنداردىڭ ءبىرى ەكى جىل بۇرىن وسىنداي كەزدەسۋگە قاتىسىپ، كوشە جارىعى ماسەلەسىن كوتەرگەنىن ايتتى.
«سول كەزدە ءسىز بۇل ماسەلەنى قاراستىرامىز دەپ ۋادە بەردىڭىز. بۇگىن كوشەمىزدىڭ تۇرعىندارىنىڭ ءوتىنىشى بويىنشا سىزگە العىس ايتۋعا كەلدىم. سۇرانىسىمىزدى نازاردان تىس قالدىرماي، جۇمىستى ورىنداعاندارىڭىز ءۇشىن راحمەت. ءقازىر كوشەلەر جارىق، ءجۇرۋ ءقاۋىپسىز. سىزگە جانە اكىمدىككە ەڭبەكتەرىڭىز ءۇشىن العىسىمىزدى بىلدىرەمىز، مۇمكىندىگىنشە بارلىق ماسەلەمىز شەشىلىپ جاتىر»، – دەدى تۇرعىن.
ءوز كەزەگىندە شاھار باسشىسى ناۋرىزباي اۋدانىنىڭ قاجەتتىلىگىنە ەرەكشە نازار اۋدارۋ ماڭىزدى ەكەنىن اتاپ ءوتتى.
«ناۋرىزباي اۋدانىن ەرەكشە جاقسى كورەمىن، ويتكەنى بۇل قالانىڭ ەڭ جاس اۋدانى، سوندىقتان ءبىز وعان ەرەكشە كوڭىل ءبولۋىمىز كەرەك. تۇرعىندار ءبىزدىڭ جۇمىسىمىزدىڭ ساپاسىنا ريزا بولاتىن وسىنداي كىشىگىرىم جەڭىستەر كوبەيە بەرسىن»، – دەدى ەربولات دوسايەۆ.
اكىمنىڭ ايتۋىنشا، بيىل اۋداننىڭ تولىق جارىقتاندىرىلۋىن قامتاماسىز ەتۋ ءۇشىن، ونىڭ ىشىندە بۇرىنعى ساياجاي الاپتارىنداعى كوشەلەرگە جارىق جۇرگىزۋ ءۇشىن بيۋدجەتتەن قوسىمشا 1،3 ملرد تەڭگە بولىنەدى.