الماتى قالاسى قىلمىستىق-اتقارۋ جۇيەسى دەپارتامەنتىنە قاراستى №11 مەكەمەدە جازالى جاسوسپىرىمدەر دە ناۋرىز مەيرامىن اتاپ ءوتتى. ناۋرىزناما ونكۇندىگى اياسىندا مەكەمە اۋماعىندا مەرەكەلىك ءىس-شارالار ۇيىمداستىرىلدى، دەپ حابارلايدى aqshamnews.kz
مەكەمە ىشىندەگى مەكتەپ ۇستازدارى باس بوستاندىعىنان ايىرىلسا دا، ءبىلىم الىپ جاتقان وقۋشىلارعا «كورىسۋ كۇنى»، «قايىرىمدىلىق كۇنى» جانە «ۇلتتىق كيىمدەر كۇنى» سياقتى اتاۋلى كۇندەردىڭ ءمان-ماعىناسى ءتۇسىندىرىلدى. سلايدتار، ءار ءتۇرلى كورنەكتى قۇرالدار مەن ماتەريالدار ارقىلى ۇلتىمىزدىڭ قايتا جاڭعىرىپ جاتقان ادەت-عۇرىپتارى مەن سالت-داستۇرلەرىنەن مول مالىمەتتەر بەرىلدى.
مەكەمە قىزمەتكەرلەرى جانە تاربيەشى-مامانداردىڭ جەتەكشىلىگىمەن جازالى بالالار جاڭارۋ كۇنىندە اعاشتاردىڭ ءتۇبىن قوپسىتىپ، اينالانى تازالاپ، ۇلتتىق ويىندار كۇنىندە سپورتتىق ءىس-شارالارعا بەلسەنە قاتىستى.
جامبىل اتىنداعى قالالىق جاسوپىرىمدەر كىتاپحاناسىنىڭ قىزمەتكەرلەرى كىتاپتار كورمەسىن ۇيىمداستىردى. ارنايى قوناق بولىپ كەلگەن ونەرپازدار جاسوسپىرىمدەرگە ءان-جىردان شاشۋ شاشىپ، مەرەكەلىك كوڭىل كۇي سىيلادى.