الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە ناۋرىزباي اۋدانىنىڭ اكىمى نازيرا توعىزبايەۆا اۋداندا مەديسينالىق مەكەمەلەرگە جۇكتەمەنى ازايتۋ ماسەلەسى قالاي شەشىمىن تاباتىنىن ايتتى، دەپ حابارلايدى اlmaty-akshamy.kz.
قازىرگى ۋاقىتتا ناۋرىزباي اۋدانىندا ءتورت ەمحانا، ءۇش اۋرۋحانا، وتباسىلىق-دارىگەرلىك امبۋلاتوريا، ەكى جەدەل جاردەم ستانسياسى بار، وندا 4500 مەديسينا قىزمەتكەرى جۇمىس ىستەيدى. ەمحانالاردا بارلىعى 165 مىڭ تۇرعىن تىركەلگەن.
قۇرامىس جانە شۇعىلا شاعىن اۋداندارىندا مەديسينالىق كومەكتىڭ قادامدىق قولجەتىمدىلىگىن قامتاماسىز ەتۋ ءۇشىن اقجار شاعىن اۋدانىندا ەكى ەمحانا مەن دارىگەرلىك امبۋلاتوريا سالۋ جوسپارلانۋدا. سونداي-اق، اقجار جانە شۇعىلا شاعىن اۋداندارىندا ەكى دەنە شىنىقتىرۋ-ساۋىقتىرۋ كەشەنىن سالۋ بويىنشا جوبالىق-سمەتالىق قۇجاتتاما ازىرلەنۋدە.
سونداي-اق، ناۋرىزباي اۋدانىنىڭ اكىمى نازيرا توعىزبايەۆا وقۋشى ورىندارىنىڭ تاپشىلىعىن شەشۋ ماسەلەسىنە توقتالدى. بۇگىندە 4 300 جۋىق وقۋشى ورنى تاپشى. ماسەلەنى شەشۋ ءۇشىن “جايلى مەكتەپ” باعدارلاماسى اياسىندا 3700 ورىنعا ەكى مەكتەپ سالىنىپ جاتىر.
«بيىلعى قازان ايىندا قۇرامىس، شۇعىلا شاعىن اۋداندارىندا جانە سابدەنوۆ كوشەسىندە 5500 ورىندىق ءۇش مەكتەپتىڭ قۇرىلىسى باستالدى. سونىمەن قاتار، اعىمداعى جىلدىڭ قاراشا ايىندا شۇعىلا شاعىن اۋدانىنداعى № 174 مەكتەپكە قوسىمشا قۇرىلىس باستالدى»، - دەپ ءبولىستى ن. توعىزبايەۆا.
قازىرگى ۋاقىتتا اۋداندا 12 مەملەكەتتىك، 14 جەكەمەنشىك جانە نازاربايەۆ اتىنداعى زياتكەرلىك مەكتەبى، بارلىعى 30 مىڭعا جۋىق وقۋشى بار.
مەكتەپكە دەيىنگى بىلىمگە كەلەتىن بولساق، ناۋرىزباي اۋدانىندا مەكتەپكە دەيىنگى ورىنداردىڭ تاپشىلىعىن تومەندەتۋ ءۇشىن 2024 جىلدىڭ 1 توقسانىندا “شۇعىلا” شاعىن اۋدانىنداعى 320 ورىندىق بالاباقشا اشىلادى. سونداي-اق جەلتوقسان ايىندا “شۇعىلا”، “قۇرامىس” شاعىن اۋداندارىندا 640 بالاعا ەسەپتەلگەن 2 بالاباقشا قۇرىلىسى باستالادى.
“مەملەكەت باسشىسىنىڭ تاپسىرماسىمەن “بالاپان” مەملەكەتتىك باعدارلاماسى 130 بالاباقشادا جۇزەگە اسىرىلۋدا. اتا-انالار باعدارلاما ارقىلى 70 پايىزعا دەيىن جەڭىلدىك الۋدا. ياعني، بۇل ۇلكەن قارجىلاي كومەك. 2023 جىلى مەلمەكەتتەن «بالاپان» باعدارالاماسىنا 3،3 ملرد تەنگە قارجى بولىنگەن”، - دەپ قورىتىندىلادى سپيكەر.