ناۋرىزباي اۋدانىنىڭ اكىمى نازيرا توعىزبايەۆا وكق بريفينگىندە وقۋشىلاردى تاسىمالداۋ ءۇشىن قانشا كولىك بولىنگەنىن جانە مەكتەپكە بولىنگەن سارى اۆتوبۋستاردىڭ قالاي جۇمىس ىستەيتىنىن ايتتى.
ناۋرىزباي اۋدانىنا «مەكتەپ اۆتوبۋسى» جوباسىنىڭ اياسىندا 27 اۆتوبۋس ءبولىندى، ولار كۇندەلىكتى 2400 وقۋشىنى تاسىمالدايدى، دەپ حابارلايدى اlmaty-akshamy.kz.
«2024 جىلدىڭ قاڭتار ايىنان باستاپ 940 بالاعا قوسىمشا 16 اۆتوبۋس ءبولىندى. جالپى 3 400-گە جۋىق بالا قامتىلعان»، - دەدى اۋدان باسشىسى.
سونداي-اق، نازيرا توعىزبايەۆا بيىلعى 1 ماۋسىمدا مەملەكەت باسشىسىنىڭ تاپسىرماسى بويىنشا ناۋرىزباي اۋدانىندا يننوۆاسيالىق شىعارماشىلىقتىڭ كوپسالالى ورتالىعى اشىلعانىن ەسكە سالدى.
«باستى مىندەت – بالالارىمىزعا ەڭ جاقسىسىن بەرۋ. جاڭا ورتالىق مەكتەپتەرگە قادامدىق قولجەتىمدى جەردەن اشىلدى جانە جوعارى ستاندارتتار بويىنشا سيفرلاندىرۋدىڭ ءبىلىم بەرۋ تەحنولوگيالارىمەن جابدىقتالعان. قازىرگى ۋاقىتتا 2200 بالا قامتىلعان»، - دەدى ول.
سونىمەن قاتار، ناۋرىزباي اۋدانىندا Damu bala باعدارلاماسى بەلسەندى جۇزەگە اسىرىلۋدا - بالالار مەن جاسوسپىرىمدەرگە ارنالعان شىعارماشىلىق جانە سپورتتىق ۇيىرمەلەردى قارجىلاندىرۋعا جەرگىلىكتى بيۋدجەتتەن 1،4 ملرد تەڭگە ءبولىندى. باعدارلاما اياسىندا 10 مىڭنان استام بالا تەگىن ۇيىرمەلەر مەن سپورت سەكسيالارىنا قاتىسادى.