بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ناۋرىزباي اۋدانىنىڭ اكىمى سانجار توعاي مالىمدەدى، دەپ حابارلايدى Almaty-akshamy.kz.
قالا تۇرعىندارىنا ىڭعايلى بولۋ ءۇشىن «الما سيتي ە-5» تك جانە كارەرنايا كوشەسى تۇرعىندارىنىڭ ءوتىنىشى بويىنشا №31 جانە 67 اۆتوبۋس مارشرۋتتارى ۇزارتىلدى. №44 جانە 137 باعىتتار جاڭارتىلدى.
اۋدان اكىمى باعىتتاردىڭ، جىلجىمالى قۇرامنىڭ، سونداي-اق اۆتوبۋس ايالدامالارىنىڭ جەتىسپەۋشىلىگى وزەكتى بولىپ قالاتىنىن ايتتى. "شۇعىلا"، "قۇرامىس"، "تاستىبۇلاق" شاعىناۋداندارىندا قوسىمشا مارشرۋتتىق جەلىلەرگە جانە جىلجىمالى قۇرامدى ۇلعايتۋ قاجەتتىلىگى بار.
«1 قىركۇيەككە دەيىن قالانىڭ باتىس بولىگىندە مارشرۋتتىق جەلىنى وڭتايلاندىرۋدى جوسپارلاپ وتىرمىز، ونىڭ اياسىندا №49 (شاعىن اۋدان باعىتى بويىنشا) جاڭا مارشرۋت اشىلادى. اباي-كارەرنايا كوشەسى – «مومىش ۇلى» مەترو ستانسياسى) جانە №110 مارشرۋت («مومىش ۇلى» مەترو ستانسياسىنا دەيىن) ۇزارتىلاتىن بولادى، بۇل ناۋرىزباي اۋدانىنىڭ كولىك قىزمەتىن جاقسارتۋعا كومەكتەسەدى»، - دەپ حابارلادى سانجار توعاي.
اۋدان اكىمى ايالداما كەشەندەرىنىڭ قۇرىلىسىنا جەكە توقتالدى. ازىرگە ولاردىڭ سانى - 35. جىل سوڭىنا دەيىن بارلىق زاماناۋي تالاپتارعا ساي كەلەتىن 8 تولىق ايالداما ورناتىلادى.
سانجار توعاي كوپ قاباتتى تۇرعىن ۇيلەردىڭ قارقىندى سالىنۋىنا بايلانىستى الداعى بەس جىلدا ناۋرىزباي اۋدانى حالقىنىڭ سانى 150 مىڭ ادامعا ارتادى دەپ كۇتىلۋدە.
«وسىعان بايلانىستى الاتاۋ كوشەسىنىڭ اباي داڭعىلىنداعى ستانسيادان باستاپ، ءاشىموۆ كوشەسىنىڭ بۇرىشىنان «بارلىق» بازارى اۋدانىنداعى ستانسياعا دەيىنگى مەترو تراسساسى وزگەرتىلدى. قازىرگى ۋاقىتتا اباي داڭعىلىنىڭ بويىندا ياسساۋي كوشەسىنەن باتىس باعىتتا ءاشىموۆ كوشەسىنىڭ قيىلىسىنا دەيىن ورنالاسقان «قالقامان» ستانسياسىنىڭ قۇرىلىسى باستالدى. اياقتالۋ مەرزىمى - 2025 جىل»، - دەپ جالعاستىردى اۋدان اكىمى.
جالپى العاندا، 2026 جىلعا دەيىن ناۋرىزباي اۋدانىندا ۇزىندىعى 5،2 كم 3 ستانسيا سالىنادى (بۇگىندە تەحنيكالىق-ەكونوميكالىق نەگىزدەمەنى ازىرلەۋگە كونكۋرستىق راسىمدەر جۇرگىزىلۋدە).
بۇدان وزگە، «بارلىق» بازارى اۋدانىندا 5 مىڭ اۆتوموبيلگە ارنالعان كولىك-اۋىستىرىپ مىنگىزۋ تورابى كوزدەلەتىن بولادى.