الماتى قالاسى ناۋرىزباي اۋدانىنىڭ اكىمى سانجار توعاي اۋداندا تۇرعىن ءۇي قۇرىلىسى بەلسەندى ءجۇرىپ جاتقانىن، حالىق سانى ارتىپ كەلە جاتقانىن اتاپ ءوتتى دەپ حابارلايدى almaty-akshamy.kz
وسى سەبەپتەر بويىنشا جەرگىلىكتى اتقارۋشى ورگاندار الەۋمەتتىك نىسانداردىڭ جەتىسپەۋشىلىگىنە بايلانىستى ماسەلەلەردى شەشەدى.
«بۇگىندە شاعىن اۋداندا تۇرعىن ءۇي قۇرىلىسى قارقىندى جۇرگىزىلۋدە. وتكەن جىلى عانا 146 ءۇي پايدالانۋعا بەرىلىپ، شامامەن 50 مىڭ ادامعا ارنالعان 263 ءۇيدىڭ قۇرىلىسى جالعاسۋدا»، - دەدى س. توعاي الماتى وڭىرلىك كوممۋنيكاسيالار قىزمەتىنىڭ بريفينگىندە.
سونىمەن قاتار، اۋداندا ءۇش كلينيكالىق اۋرۋحانا، 4 ەمحانا جانە 2 جەدەل مەديسينالىق جاردەم قوسالقى ستانسياسى بار، سونداي-اق 17 جەكە مەديسينالىق ورتالىق جۇمىس ىستەيدى. تىركەلگەن حالىق سانى 137 مىڭ ادامدى قۇرايدى.
«سوڭعى جىلدارى اۋداندا 3 جاڭا ەمحانا مەن جەدەل مەديسينالىق جاردەم ستانسياسى پايدالانۋعا بەرىلدى. №26 قالالىق ەمحانا كەڭ جانە بارلىق قاجەتتى عيماراتتارمەن جابدىقتالعان زاماناۋي تەحنولوگيالار بويىنشا سالىنعانىن اتاپ وتكىم كەلەدى»، - دەدى اۋدان اكىمى.
ول سونداي-اق، 2021 جىلى №7 قالالىق كلينيكالىق اۋرۋحانانىڭ قابىلداۋ بولمەسىنىڭ اشىلۋى وتكەنىن ەسكە سالدى، ول زاماناۋي ەمدەۋ-دياگنوستيكالىق جابدىقتارمەن جابدىقتالعان، بۇل پاسيەنتكە تولىق كولەمدە جانە ءبىر عيمارات شەگىندە كومەك كورسەتۋگە مۇمكىندىك بەرەدى. №36 قالالىق ەمحانانىڭ جانىنان زاماناۋي كومپيۋتەرلىك-توموگرافيالىق ورتالىق سالىندى، ول دا وتكەن جىلى ىسكە قوسىلدى.
قازىرگى ۋاقىتتا قۇرامىس شاعىن اۋدانىندا 500 ورىندى ەمحانا جانە اقجار شاعىن اۋدانىندا 200 ورىندى دارىگەرلىك امبۋلاتوريا سالۋ جوباسى ازىرلەنۋدە. اكىمدىكتە وقۋشى ورىندارىنىڭ تاپشىلىعى ماسەلەسى شەشىلۋدە، بۇگىندە ول 7231ء-دى قۇرايدى. 20 مەكتەپتە ورىن بار، ونىڭ 10-ى جەكە مەنشىك مەكتەپتەر. بۇگىندە 2700 ورىندى ءۇش مەكتەپتىڭ قۇرىلىسى بەلسەندى جۇرگىزىلۋدە. قالقامان شاعىن اۋدانىندا 1500 ورىندى ءبىر مەكتەپ جانە شۇعىلا شاعىن اۋدانىندا ءارقايسىسى 1200 ورىندى ەكى مەكتەپ.
اعىمداعى جىلى قالقامان شاعىناۋدانىندا 1800 ورىندى مەكتەپ جانە اقجار جانە تاۋسامالى شاعىن اۋداندارىندا ءارقايسىسى 120 ورىندى 2 بالاباقشا پايدالانۋعا بەرىلدى، سونداي-اق اقجار جانە راحات شاعىن اۋداندارىندا 2 جەكەمەنشىك مەكتەپ اشىلدى. سونىمەن قاتار، زاماناۋي جابدىقتارمەن جابدىقتالعان «زامان» جەكەمەنشىك مەكتەبىنىڭ قۇرىلىسى اياقتالدى.
تاقىرىپتى جالعاستىرۋ وتىرىپ سانجار توعاي ناۋرىزباي اۋدانىندا 100 جەكەمەنشىك بالاباقشا مەن 5 مەملەكەتتىك بالاباقشا جۇمىس ىستەيتىنىن حابارلادى. الايدا ولاردا ورىندار دا جەتكىلىكسىز. سوندىقتان قۇرامىس جانە شۇعىلا شاعىن اۋداندارىندا ەكى مەملەكەتتىك بالاباقشانىڭ قۇرىلىسىن باستاۋ جوسپارلانعان.