الماتى قالاسى ناۋرىزباي اۋدانى اكىمى سانجار توعاي وڭىرلىك كوممۋنيكاسيالار قىزمەتىنىڭ بريفينگىندە جول قۇرىلىسى جانە جوندەۋ تۋرالى تولىق ايتىپ بەردى، دەپ حابارلايدى Almaty-akshamy.kz.
اۋدان اكىمىنىڭ حابارلاۋىنشا، بۇگىندە "اقجار" شاعىناۋدانىندا ۇزىندىعى 45 شاقىرىم 89 كوشەدە جاڭا جول سالۋ جوباسى جۇزەگە اسىرىلۋدا، اعىمداعى جىلعا جوسپارلانعان 12 شاقىرىمنىڭ 11 كوشەسىندە (3 شاقىرىم) جۇمىستار اياقتالدى، 8 كوشەدە جۇمىستار جالعاسۋدا.
سونىمەن قاتار، "تاستىبۇلاق" شاعىناۋدانىنىڭ تاۋتاعان كوشەسىندە توسەلگەن جەلىلەردەن كەيىن تروتۋاردى جايلاستىرا وتىرىپ، اسفالت جابىنى قالپىنا كەلتىرىلدى.
«جالپى ۇزىندىعى 7،7 شاقىرىم ءتورت كوشەنىڭ جولدارىنا ورتاشا جوندەۋ جۇرگىزىلدى، ونىڭ ىشىندە ءاشىموۆ كوشەسىنە ارىق جەلىلەرىن قايتا قۇرۋ، رايىمبەك داڭعىلىنا تروتۋار مەن جەكە اۆتوبۋس جولاعىن سالۋ ارقىلى كۇردەلى جوندەۋ جۇرگىزىلۋدە»، - دەدى سانجار توعاي.
ەكىنشى كەزەڭدە "شۇعىلا"، "قارعالى"، "قۇرامىس" شاعىناۋداندارىندا جالپى ۇزىندىعى 13،6 شاقىرىم ورتاشا جوندەۋ جۇرگىزۋ جوسپارلانۋدا.
ايتا كەتسەك، بۇگىندە ناۋرىزباي اۋدانىندا جول جابىنى 295 شاقىرىمدى قۇرايدى، اسفالتتالعان جولداردىڭ ۇلەسى 85%.
سانجار توعاي اباي داڭعىلىن اۋداننىڭ اكىمشىلىك ورتالىعىنان قالا شەكاراسىنا دەيىن ۇزىندىعى 600 مەتر ەتىپ ۇزارتۋ تۋرالى دا ايتىپ بەردى. 73 جەر ۋچاسكەسى ساتىپ الۋعا جاتادى، 41 ۋچاسكە ساتىپ الىندى، قالعاندارى 2023 جىلدىڭ سوڭىنا دەيىن قۇرىلىس كەزەڭىندە الىنادى.
تولە بي كوشەسىن جوسپارلى ۇزارتۋ كەزەڭ-كەزەڭمەن جۇرگىزىلەدى. ءبىرىنشى كەزەڭدە الماتى قالاسىنىڭ اكىمدىگى ينجەنەرلىك كوممۋنيكاسيالاردى قايتا ورناتۋ جانە «الما سيتي» تك اۋدانىندا جول توسەمىن ورناتۋ جۇمىستارىن جۇرگىزەتىن بولادى.