تاياۋداعى جىلدارى اگروونەركاسىپتىك سەكتورىندا IT-ماماندارعا سۇرانىس وسەتىن بولادى. حالىقارالىق اقپاراتتىق تەحنولوگيالار ۋنيۆەرسيتەتى (حاتۋ) وقۋعا تۇسۋشىلەرگە «بيوكومپيۋتينگ» بىرەگەي ءبىلىم بەرۋ باعدارلاماسىن ۇسىنادى.
ساراپشىلاردىڭ پىكىرىنشە، اۋىل شارۋاشىلىعىنا سيفرلىق تەحنولوگيالاردى ەنگىزۋ اتالمىش سالانى دامىتۋدىڭ باسىم باعىتى بولىپ وتىر. قازىرگى ۋاقىتتا اگروونەركاسىپتىك كەشەنىندەگى (اوك) بيزنەس-پروسەستەر مەن ءوندىرىس ايتارلىقتاي اۆتوماتتاندىرۋدان وتۋدە، ال IT-قۇزىرەتتىلىككە يە اگرونومدار، ەكونوميستەر، تەحنولوگتار، بيوپرەپاراتتاردى ازىرلەۋشىلەر، سونداي-اق جوبا مەنەدجەرلەرىنە دەگەن سۇرانىس ارتۋدا. ون جىلدان كەيىن سينتەتيكالىق بيولوگيا سالاسىنداعى اگروگەنەتيك، بيوتەحنولوگ، سيفرلىق اگرونوم، ەكوتەحنولوگ، روبوتوتەحنيك، ۇشقىشسىز ۇشۋ اپپاراتتارىنىڭ وپەراتورلارى جانە ت.ب. ماماندىقتار اۋىل شارۋاشىلىعىندا تانىمال بولماق.
حالىقارالىق اقپاراتتىق تەحنولوگيالار ۋنيۆەرسيتەتى (حاتۋ) «سيفرلىق قازاقستان» مەملەكەتتىك باعدارلاماسىن ىسكە اسىرۋ شەڭبەرىندە اگروونەركاسىپتىك كەشەندى اۋقىمدى سيفرلاندىرۋدىڭ جولسەرىگى بولاتىن جوعارى بىلىكتى مامانداردى دايارلاۋدى جۇزەگە اسىرادى.
حاتۋ ەلىمىزدىڭ جەتەكشى IT-ۋنيۆەرسيتەتى رەتىندە بيىلعى جىلى وقۋعا تۇسەتىن تالاپكەرلەر مەن بىلىكتىلىگىن ارتتىرعىسى كەلۋشىلەرگە «بيوكومپيۋتينگ» بىرەگەي ءبىلىم بەرۋ باعدارلاماسىن مەڭگەرۋدى ۇسىنۋدا. جاڭا ءبىلىم بەرۋ باعدارلاماسى الەۋەتتى جۇمىس بەرۋشىلەر – اگروكاسىپورىنداردىڭ تالاپتارىن ەسكەرە وتىرىپ، ادام جانە جانۋارلار فيزيولوگياسى ينستيتۋتىمەن ىنتىماقتاستىقتا ازىرلەنگەن.
اتاپ وتەرلىك جايت، ۇزدىك وتاندىق جانە شەتەلدىك سپيكەرلەر مەن ساراپشىلاردىڭ قاتىسۋىمەن وقىتىلاتىن ءبىلىم بەرۋ باعدارلامالارى مەن مامانداندىرىلعان كۋرستار ستۋدەنتتەر اراسىندا، سونداي-اق جاڭا قۇزىرەتتەر العىسى كەلەتىن كاسىپقويلار اراسىندا دا ۇلكەن تانىمالدىققا يە. ۋنيۆەرسيتەتتە ستۋدەنتتەرگە كاسىپكەرلىك داعدىلاردى دامىتۋعا كومەكتەسەتىن جانە ستارتاپ-يدەياعا ينۆەستيسيالار تارتۋعا مۇمكىندىك بەرەتىن Innovation Center قۇرىلدى. دارىندى جاستاردى قولداۋ ماقساتىندا حاتۋ جىل سايىن تەڭدەسى جوق Hackday يننوۆاسيالىق يدەيالار فەستيۆالىن وتكىزەدى، ول وتكەن جىلدان باستاپ وراسان زور ITFEST-كە اينالىپ، جاڭا سەرپىن الدى. وعان ەلىمىزدىڭ جەتەكشى كومپانيالارىنىڭ، ونىڭ ىشىندە اوك-نىڭ مىندەتتەرى مەن كەيستەرىن شەشۋ ءۇشىن ءوز IT-يدەيالارى مەن جوبالارىن ۇسىناتىن 3 مىڭنان استام ادام قاتىسادى.
ءبىلىم بەرۋ باعدارلامالارى مەن وقۋعا ءتۇسۋ شارتتارى تۋرالى تولىق اقپاراتتى حاتۋ-دا، ماناس كوشەسى، 34/1 مەكەن-جايى بويىنشا، سونىمەن بىرگە www.iitu.edu.kz سايتىنان الۋعا بولادى.