ناۋرىزباي اۋدانىنداعى جارىقتاندىرۋ جۇمىستارى قاشان اياقتالاتىنى بەلگىلى بولدى

اۋدانداعى 59 كوشەنى جارىقتاندىرۋ كەرەك.

الماتى اكىمى ەربولات دوسايەۆ ناۋرىزباي اۋدانى تۇرعىندارىن تۇراقتى ەلەكترمەن قامتۋ ءۇشىن قانداي شارالار قابىلدانعانى جايىندا ايتتى، دەپ حابارلايدى Almaty-akshamy.kz.

«پرەمەرا» تۇرعىن ءۇي كەشەنى مەن «ەليسەيسكيە پوليا» كوتتەدج قالاشىعىنىڭ 3،4 كم ەلەكتر جەلىسى مەن 10 ترانسفورماتورلىق پودستانسياسى قىركۇيەك ايىندا «الاتاۋ جارىق كومپانياسى» اكسيونەرلىك قوعامىنىڭ بالانسىنا بەرىلدى. 2 426 ابونەنتكە جەكە شوتتار اشىلدى. بۇل تۇرعىندارعا ناقتى پايدالانعان ەلەكتر ەنەرگياسى ءۇشىن قالالىق تاريفپەن (1 كۆت ءۇشىن 20،7 تەڭگە) تولەۋگە مۇمكىندىك بەرەدى. 79 ترانسفورماتورلىق پودستانسياعا كۇردەلى جانە اعىمداعى جوندەۋ جۇرگىزىلىپ، 3،8 كم ەلەكتر جەلىسى رەكونسترۋكسيالاندى»، - دەدى قالا اكىمى.

ەربولات دوسايەۆتىڭ ايتۋىنشا، "اقجار"، "قاراعايلى"، "تاستىبۇلاق"، "شۇعىلا" شاعىناۋداندارىنداعى 48 كوشەگە جانە ماگيسترالدى كوشەلەردەگى 83 جاياۋ جۇرگىنشىلەر وتكەلىنە جارىق ورناتىلدى.

«ناۋرىزباي اۋدانىنداعى ("قاراعايلى"، "راحات"، "تاستىبۇلاق" جانە "شۇعىلا" شاعىناۋداندارى) قالعان 59 كوشەنى جارىقتاندىرۋ جۇمىسىن 2023 جىلى اياقتاۋدى جوسپارلاپ وتىرمىز»، - دەدى قالا باسشىسى.