ناۋرىزباي اۋدانىندا  جول ينفراقۇرىلىمى مەن قوعامدىق كولىكتى دامىتۋ قالاي ىسكە اسىرىلۋدا؟

بۇگىن الماتى اكىمى ەربولات دوسايەۆ ناۋرىزباي اۋدانى تۇرعىندارىمەن كەزدەستى.

تۇرعىندارمەن كەزدەسۋدە اۋداننىڭ جول ينفراقۇرىلىمى مەن قوعامدىق كولىكتى دامىتۋدا قانداي ىستەر اتقارىلىپ جاتقانى ايتىلدى، دەپ حابارلايدى Almaty-akshamy.kz.

بۇرىن-سوڭدى اسفالت بولماعان "اقجار" شاعىناۋدانىندا جىل باسىنان بەرى جالپى ۇزىندىعى 13 كم بولاتىن 27 كوشەگە اسفالت توسەلۋدە. بۇگىنگى تاڭدا ۇزىندىعى 6،7 كم بولاتىن 19 كوشە اسفالتتالدى. قاراشا ايىنىڭ سوڭىنا دەيىن تاعى 8 كوشەدە جۇمىستار اياقتالادى.

"اقجار" شاعىناۋدانىندا جالپى ۇزىندىعى 45 كم بولاتىن 89 كوشەگە جاڭادان جول سالۋ جوسپارلانعان.

«سونداي-اق 30 كوشەدەگى ۇزىندىعى 23 كم ورتاشا جوندەۋ جۇمىستارى اياقتالدى. قاراشا ايىنىڭ سوڭىنا دەيىن ۇزىندىعى 7 كم تاعى 8 كوشە جوندەلەدى.

«الما سيتي-5» تۇرعىندارىنىڭ وتىنىشتەرىن ەسكەرە وتىرىپ، اكىمدىك الاتاۋ داڭعىلىنداعى ماگيسترالدى جول ارقىلى تۇرعىن ۇيگە وڭاي جەتۋ ءۇشىن 86 سوتىق جەر ساتىپ الىپ، جول سالدى»، - دەدى قالا باسشىسى. 

وسى ۋچاسكەدە جاڭا №44 اۆتوبۋس ىسكە قوسىلدى.

سونداي-اق، بيىلعى قاراشا ايىنىڭ سوڭىنا دەيىن تولە بي كوشەسىنىڭ الاتاۋ داڭعىلىنان ءجۇنىسوۆ كوشەسىنە دەيىنگى بولىگىنىڭ قۇرىلىسى اياقتالماق. ياسساۋي كوشەسىنەن قالا شەكاراسىنا دەيىن 270 جەر ۋچاسكەسى الىپ قويۋعا جاتادى، ونىڭ 59-ى ساتىپ الىندى جانە 93ء-ى بويىنشا جۇمىس ءجۇرىپ جاتىر.

«تۇرعىندارعا قىزمەت كورسەتۋ ساپاسى مەن جايلىلىعىن ارتتىرۋ ماقساتىندا 8 مارشرۋت ۇزارتىلىپ، جاڭارتىلدى، سونداي-اق "قالقامان"، "قاراعايلى"، "شۇعىلا" جانە "اباي ساياجايلارى" شاعىناۋداندارىندا 12 ايالداما كەشەنى ورناتىلدى»، - دەدى قالا اكىمى ە.دوسايەۆ. 

جاياۋ جۇرگىنشىلەر قاۋىپسىزدىگىن قامتاماسىز ەتۋ ءۇشىن شالياپين مەن سابدەنوۆ كوشەلەرىندە رەتتەلەتىن ەكى باعدارشام جانە جالپى اۋدان بويىنشا 86 جول بەلگىسى ورناتىلدى.