قالا اكىمىنىڭ تاپسىرماسى بويىنشا 2023 جىلى «حالىق قاتىساتىن بيۋدجەت» باعدارلاماسى اياسىندا اباي داڭعىلىنان №208 مەكتەپكە دەيىن «قارعالى» وزەنىنىڭ بويىندا ۇزىندىعى 360 مەتر، ەنى 2،5 مەتر گ-تارىزدى تروتۋار سالىندى. سونداي-اق 34 جارىق تىرەگى ورناتىلدى.
تروتۋار سالۋ تۋرالى ۇسىنىستى اتا-انالار 2023 جىلى قالا اكىمى ەربولات دوسايەۆتىڭ ناۋرىزباي اۋدانىنىڭ تۇرعىندارىمەن كەزدەسۋىندە ايتقان بولاتىن.
ايتا كەتەرلىگى، مەكتەپ اباي داڭعىلى مەن ءىلتيپات كوشەسىنىڭ اراسىنا ورنالاسقان. مەكتەپكە جەتۋ ءۇشىن وقۋشىلار بۇكىل جەكە سەكتوردى اينالىپ وتۋگە ءماجبۇر بولدى.
ەسكە سالساق، 2022 جىلدىڭ قاراشا ايىندا ناۋرىزباي اۋدانىندا 1500 وقۋشىعا ارنالعان №208 مەكتەپ پايدالانۋعا بەرىلگەن ەدى.