1 قاڭتاردان باستاپ قازاقستاندا "ۇلتتىق قور – بالالارعا" جوباسى شەڭبەرىندە بالالارعا اقشا اۋدارۋ تۋرالى پرەزيدەنت جارلىعى كۇشىنە ەندى. قاراجات بالالاردىڭ ەسەپ-شوتىنا اۆتوماتتى تۇردە تۇسەدى، دەپ حابارلايدى Almaty-akshamy.kz.
جوبا جايلى
ۇلتتىق بانك باسشىسى تيمۋر سۇلەيمەنوۆ “ۇلىس سۇحباتتا” “ۇلتتىق قور – بالالارعا” باعدارلاماسىنا قاتىستى سۇراقتارعا جاۋاپ بەردى. ونىڭ ايتۋىنشا، بۇل مەملەكەت پەن قوعام قارىم-قاتىناسى تۇرعىسىنان ءادىل باستاما.
"ءار بالاعا جەكە شوت اشىلادى، اقشا سوعان اۋدارىلادى. بالا دۇنيەگە كەلگەن كەزدە تۋۋ تۋرالى كۋالىك، جاردەماقى الىپ قانا قويماي، جەكە شوتتىڭ اۆتوماتتى تۇردە اشىلۋى بويىنشا دا قىزمەتتەردى رەتتەپ جاتىرمىز. ءبىز بۇل قىزمەتتى اياقتايمىز، ىسكە قوسامىز. اتا-انالار بۇل ەسەپتى كورە الادى. بارلىعى قانشا سوما جيناقتالعانىن، زەينەتاقى قورىنان كوشىرمەنىڭ قالاي كەلگەنىن كورە الادى"، - دەدى سۇلەيمەنوۆ.
اتا-انالار نە ىستەۋى كەرەك؟
"ەشكىمگە بانككە بارۋدىڭ قاجەتى جوق. اقشانى 18 جاسىندا عانا الادى، سول جەردە بانكتە شوت اشۋ قاجەت بولادى. كەيىن ءبىز ۇلتتىق قوردان بجزق ارقىلى شوتقا اۋدارامىز. ول كەلىپ، اقشاسىن الادى. ءبىراق 18 جاسقا دەيىن اقشا تەك شوتقا ءتۇسىپ وتىرادى. تەحنيكالىق تۇرعىدان ءبىز دايىنبىز جانە ەشقانداي پروبلەما بولمايدى دەپ ويلايمىز"، - دەدى ۇلتتىق بانك باسشىسى.
18 جاسقا دەيىنگى بالا قانشا اقشا جيناي الادى؟
"ۇلتتىق قوردىڭ كولەمىنە، ينۆەستيسيالىق كىرىس ديناميكاسى سۇيەندىك. بۇل رەتتە، تولىق 18 جىلعا 3،5 مىڭ دوللاردان كەلەدى. شوتتىڭ ديەۆالۆاسيادان قورعالۋى دا ەسەپكە الىندى"، - دەدى سۇلەيمەنوۆ.
ايتا كەتەيىك، بۇعان دەيىن قازاقستان پرەزيدەنتى بالالارعا ۇلتتىق قوردان اقشا ەسەپتەۋ تۋرالى زاڭعا قول قويعان بولاتىن.
زاڭ نورمالارى
ۇلتتىق قوردىڭ جىل سايىنعى ينۆەستيسيالىق تابىسىنىڭ 50% -. بالالاردىڭ 18 جاسقا تولعانعا دەيىنگى ارنايى جيناقتاۋ شوتتارىنا تۇرعىن ءۇي ساتىپ الۋعا جانە ءبىلىم الۋعا كەيىننەن پايدالانۋ مۇمكىندىگىمەن مەرزىمىنەن بۇرىن الۋ قۇقىعىنسىز اۋدارۋ كوزدەلەدى.
اقشانى قاشان تۇسە باستايدى؟
پرەزيدەنتتىڭ تاپسىرماسىنا سايكەس، بالالاردىڭ شوتتارىنا اقشا ەسەپتەۋ 2024 جىلدىڭ 1 قاڭتارىندا باستالادى. 2024 جىلدىڭ 1 اقپانىندا تۇسە باستايدى.