اۋداندا بالاباقشالار مەن مەكتەپتەر قۇرىلىسى قارقىن الۋدا
وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا ناۋرىزباي اۋدانىنىڭ اكىمى سانجار توعاي مەكتەپتەر مەن بالاباقشالاردىڭ قۇرىلىسى بويىنشا ىسكە اسىرىلىپ جاتقان جانە جوسپارلانىپ وتىرعان جوبالار تۋرالى ايتىپ بەردى، دەپ حابارلايدى Almaty-akshamy.kz
اۋدان اكىمى قازىرگى ۋاقىتتا "قالقامان" شاعىناۋدانىندا 1 800 ورىندىق مەكتەپتىڭ قۇرىلىسى ءجۇرىپ جاتقانىن، جۇمىستار اعىمداعى جىلدىڭ جەلتوقسان ايىندا اياقتالاتىنىن حابارلادى. مۇندا 1 500 ورىندىق مەكتەپ سالىنۋدا، ونى 2022 جىلدىڭ ماۋسىم ايىندا پايدالانۋعا بەرۋ جوسپارلانىپ وتىر. سونىمەن قاتار، "اقجار" شاعىناۋدانىنداعى № 186 مەكتەپتىڭ جانىنداعى قوسالقى نىساننىڭ قۇرىلىسى اياقتالۋدا.
"سونداي-اق "قارعالى" شاعىناۋدانىندا «زەردە» جەكە مەكتەبى سالىنۋدا. اياقتالۋ مەرزىمى – 2022 جىلدىڭ 2 توقسانى. № 7 قالالىق كلينيكالىق اۋرۋحانانىڭ قابىلداۋ ءبولىمىنىڭ قۇرىلىسى ءجۇرىپ جاتىر"، - دەدى سانجار توعاي. - بۇدان باسقا، "شۇعىلا" شاعىناۋدانىنداعى № 36 قالالىق ەمحانادا مودۋلدىك كت-ورتالىعىن ورناتۋ باستالدى. ال 16 نىساندا كوپ قاباتتى تۇرعىن ۇيلەردىڭ قۇرىلىسى باستالدى.
ناۋرىزباي اۋدانىنىڭ اكىمى مەكتەپتەر مەن بالاباقشالاردىڭ قۇرىلىسى بويىنشا جوسپارلانعان جوبالار تۋرالى دا ايتىپ بەردى. ونىڭ ايتۋىنشا، "شۇعىلا" شاعىناۋدانىندا ەكى مەكتەپ سالىنادى – الما سيتي-5 تك اۋماعىندا – 1 200 ورىندىق، ال «نۇرلى دالا» تۇك اۋماعىندا – 1 500 ورىندىق. وسى شاعىن اۋداندا 320 ورىندى بالاباقشا قۇرىلىسى جوسپارلانۋدا.
"قۇرامىس" شاعىناۋدانىنداعى جەر ۋچاسكەسىندە 1 200 ورىندىق مەكتەپ سالۋ جوسپارلانعان. ءقازىردىڭ وزىندە جسق-نى ازىرلەۋ باستالدى. سول شاعىناۋداندا 320 ورىندى بالاباقشا بويىنشا جوبالىق-سمەتالىق قۇجاتتاما ازىرلەنۋدە"، - دەدى اۋدان اكىمى.
"اقجار" شاعىناۋدانىندا (320 ورىندى) جانە "قالقامان" شاعىناۋدانىندا (240 ورىندىق) بالاباقشالار سالۋ جوسپارلانۋدا. اكىمدىك سونداي-اق №15 ساناتورلىق-مەكتەپ ينتەرناتىن قايتا جاڭارتۋ جانە 300 ورىندىق جاتاقحانا سالۋدى جوسپارلاپ وتىر. سونىمەن قاتار، مەكتەپ اۋماعىندا 120 ورىندىق بالاباقشا قۇرىلىسى قاراستىرىلعان. قۇرىلىس جۇمىستارى 2022 جىلدىڭ II توقسانىنا جوسپارلانعان.