«جاڭا الماتىنى» دامىتۋدىڭ كەشەندى جوسپارىن جۇزەگە اسىرۋ قارقىنىن بالقىلاۋ بارىسىندا ناۋرىزباي اۋدانىنىڭ اكىمى سانجار توعاي جاڭا جولدار سالۋ جانە قولدانىستاعى جولداردى جوندەۋ تۋرالى ايتىپ بەردى دەپ حابارلايدى almaty-akshamy.kz
ناۋرىزباي اۋدانىندا جالپى ۇزىندىعى 289 كم بولاتىن 348 كوشە، بيىل جالپى ۇزىندىعى 19 كم بولاتىن 29 كوشەگە، ونىڭ ىشىندە تاستىبۇلاق شاعىن اۋدانىندا جالپى ۇزىندىعى 13 كم بولاتىن 18 كوشەگە اسفالت توسەۋ جۇمىستارى تولىق كولەمدە اياقتالدى.
2021 جىلدىڭ باسىنان 28 مىڭ شارشى مەتر جولدىڭ شۇڭقىرلارى جوندەلدى. كەلەسى جىلى جولداردى ورتاشا جوندەۋ جانە ۇزىندىعى 35 كم 53 كوشەگە اسفالت توسەۋ جوسپارلانۋدا.
دوڭگەلەك ۇستەل بارىسىندا كولىك قاتىناسىن جاقسارتۋ تۋرالى ايتىلدى. اتاپ ايتقاندا، اباي داڭعىلىن تەسۋ ماسەلەسى تالقىلاندى. سانجار توعايدىڭ حابارلاۋىنشا، مومىش ۇلى كوشەسىنەن قالا شەكاراسىنا دەيىن جالپى ۇزىندىعى 4،7 كم بولاتىن التى جولاقتى جول سالۋ قاراستىرىلعان، ونىڭ ءار جاعىنان تروتۋارلار مەن ۆەلوسيپەد جولدارى بار.
قازىرگى كەزدە ءاشىموۆ كوشەسىنىڭ قيىلىسىندا كولىك ايرىعىنىڭ قۇرىلىسى اياقتالىپ، قاراعالى وزەنى ارقىلى وتەتىن كوپىردىڭ قۇرىلىسى جالعاسۋدا. بۇگىنگى كۇنى پايدالانۋعا بەرىلگەن ۋچاسكەدەن ءاشىموۆ كوشەسىنە دەيىنگى جولدىڭ ءجۇرۋ بولىگىنە، تروتۋارلارعا جانە ۆەلوجولدارعا اسفالت توسەلۋدە.
سانجار توعاي بيىل اۋداندا قارقىندى جۇمىستاردىڭ جۇرگىزىلگەنىن، تاۋسامالى كەنتىندەگى بيىل ۇزىندىعى 1،2 كم بولاتىن قونايەۆ كوشەسىن ياسساۋي كوشەسىنەن رىسقۇلوۆ كوشەسىنە دەيىن رەكونسترۋكسيالاۋدىڭ اياقتالعانىن ايتتى.
«بۇل ۋچاسكەدە جولدىڭ ءجۇرۋ بولىگىنە، تروتۋارلار مەن ۆەلوجولدارعا اسفالت توسەلدى. سىرتقى جارىقتاندىرۋ جەلىلەرى ورناتىلدى، جول بەلگىلەرى مەن باعدارشامداردى ورناتۋ جۇمىستارى جۇرگىزىلۋدە، گازون جاسالدى. كۇزگى اعاش وتىرعىزۋدى ۇيىمداستىرۋ جوسپارلانۋدا. وسى ايدا جۇمىستاردى تولىق اياقتاۋدى جوسپارلاپ وتىرمىز»، - دەدى سانجار توعاي.
قىركۇيەك ايىندا ءتورت جولاقتى، ۇزىندىعى 2 شاقىرىم بولاتىن سابدەنوۆ كوشەسىنەن رايىمبەك داڭعىلىنا دەيىن الاتاۋ كوشەسىن ۇڭگىلەۋ اياقتالدى. سونداي-اق، ۆەلوسيپەد جولدارى جابدىقتالادى.
ناۋرىزباي اۋدانىندا قازىرگى كەزدە ۇزىندىعى 4،9 كم توعىز كوشەدە جول قۇرىلىسى اياقتالىپ قالدى، ۇزىندىعى 1،2 كم ءتورت كوشە مەن تۇيىق كوشەلەرگە اسفالت توسەلەتىن بولادى. سونداي-اق اقجار شاعىن اۋدانىنىڭ 89 كوشەسىندە، شۇعىلا شاعىن اۋدانىنىڭ 26 كوشەسىندە جول قۇرىلىسىنا جوبالىق-سمەتالىق قۇجاتتاما ازىرلەنۋدە جانە تولە بي كوشەسىن ۇڭگىلەۋ جوباسى ازىرلەندى.
ءسوزىنىڭ سوڭىندا ناۋرىزباي اۋدانىنىڭ اكىمى كوشەلەردى جارىقتاندىرۋ ماسەلەسىن شەشۋ تۋرالى ايتىپ بەردى. بيىل 312 كوشەنى جارىقتاندىرۋ بويىنشا جۇمىستار ورىندالدى. سونداي-اق، 59 كوشەدە سىرتقى جارىقتاندىرۋ جەلىلەرىن تارتۋ جوسپارلانۋدا.