بۇل توپتىڭ مۇنىڭ الدىنداعى ءان جيناعى «The Visitors» دەگەن اتپەن 1981 جىلى شىققان.
شۆەدتىك پوپ-توبى ABBA الدىڭعى البومىنان 40 جىلدان كەيىن Voyage اتتى جاڭا البومىن شىعاردى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
سانى بويىنشا توعىزىنشى ستۋديالىق جاڭا البومعا ون ترەك كىرەدى. 2022 جىلدىڭ كوكتەمىندە توپ لوندونداعى كونسەرتىندە جاڭا شىعارىلىمىن ۇسىنادى. توپتىڭ بارلىق مۇشەلەرى كورەرمەندەر الدىندا ونەر كورسەتەدى، سونىمەن قاتار جاس اگنەتا فەلتسكوگ، بورن ۋلۆەۋس، بەنني اندەرسسون، انني-فريد لينگستادتىڭ سويلەيتىن گولوگراممالارى شىعادى.
1972 جىلى قۇرىلعان شۆەدتىك ABBA توبى ون جىلعا جۋىق ساحنادا ونەر كورسەتكەن. توپتىڭ رەپەرتۋارىنداعى Dancing Queen، Super Trouper جانە Mamma Mia حيتتەرىن كەزىندە الەم حالقى بىرگە شىرقاعان. توپ مۇشەلەرى 1974 جىلى «ەۆروۆيدەنيە» ءان بايقاۋىندا جەڭىسكە جەتكەننەن كەيىن حالىقارالىق دەڭگەيدە تانىلدى.
شۆەدتىك پوپ-توبى ABBA 1972—1982 جىلدار ارالىعىندا دۇنيە جۇزىنە تانىمال بولعان جانە جۇمىستارىن 2018 جىلدان بەرى جالعاستىرىپ كەلە جاتقان توپ. ۇجىمنىڭ اتاۋى توپ مۇشەلەرى اگنەتا فەلتسكوگ، بورن ۋلۆەۋس، بەنني اندەرسسون، انني-فريد لينگستادتىڭ ەسىمدەرىنىڭ باس ارىپتەرىنەن قويىلعان.