UIPM: قازىرگى بەسسايىس باعدارلاماسىنان ات سپورتى الىنادى
حالىقارالىق قازىرگى بەسسايىس وداعى 2028 جىلى لوس-اندجەلەستە وتەتىن جازعى وليمپيادا ويىندارىندا قازىرگى بەسسايىس باعدارلاماسىنان ات سپورتى الىناتىنىن مالىمدەدى، دەپ حابارلايدى Almaty-akshamy.kz
«توكيو وليمپياداسىنداعى جاعدايدان سوڭ، ءبىز بۇل ماسەلەنى جاقسىلاپ زەرتتەدىك. ناتيجەسىندە، وتكەن اپتادا موناكودا وتكەن ەكى كۇندىك كەزدەسۋ كەزىندە كوميسسيانىڭ شەشىمىنە سۇيەنە وتىرىپ، كونكۋردى باسقا سپورت تۇرىمەن الماستىراتىن بولدىق» - دەلىنگەن حابارلامادا.
مۇنداي شەشىم قابىلداۋعا توكيو وليمپياداسىندا جىلقىنى ۇرىپ جىبەرگەن گەرمانيالىق باپكەردىڭ ارەكەتى سەبەپ بولعان. كەيىن بەلگىلى بولعانداي، جاتتىقتىرۋشى جانۋاردى سەكىرمەگەنى ءۇشىن جازالاعان.
كونكۋر 2028 جىلعى وليمپيادا ويىندارىنا دەيىن الماستىرىلادى. جاڭا فورمات پاريج ويىندارىنان كەيىن تانىستىرىلادى. ازىرگە، كونكۋردىڭ ورنىنا قانداي باعدارلاما كەلەتىنى بەلگىسىز.
قازىرگى بەسسايىس 1912 جىلدان بەرى وليمپيادا ويىندارىنىڭ باعدارلاماسىنا ەنگەن. جارىس باعدارلاماسىنا سەمسەرلەسۋ، ءجۇزۋ، كونكۋر جانە لازەر-ران كىرەدى.