بۇل پروبلەمانى شەشۋ ءۇشىن 2 سۋ جيناۋ قۇرىلعىسىنىڭ، 104،2 كم ينجەنەرلىك جەلىنىڭ قۇرىلىسى قارقىندى ءجۇرىپ جاتىر.
سونداي-اق ناسوس ستانسيالارى بار قوسىمشا ماگيسترالدى سۋ قۇبىرىن جوبالاۋ باستالدى، دەپ حابارلايدى Almaty-akshamy.kz
ناۋرىزباي اۋدانىندا قازىرگى ۋاقىتتا 2 سۋ جيناۋ قۇرىلعىسىنىڭ، 104،2 كم ينجەنەرلىك جەلىنىڭ قۇرىلىسى قارقىندى ءجۇرىپ جاتىر، سونداي-اق ناسوس ستانسيالارى بار قوسىمشا ماگيسترالدى سۋ قۇبىرىن جوبالاۋ باستالدى.
انىقتاما ءۇشىن: 5 شاعىناۋداندا ("جايلاۋ"، "قارعالى"، "قۇرامىس"، "تاستىبۇلاق"، "تاۋجولى") ۇزىندىعى 195 كم (50%-دە 50%) سۋ قۇبىرى مەن كاناليزاسيا جەلىلەرى سالىندى.
قارعالى سۋ جيناعىشى بويىنشا جۇمىستار 92% اياقتالدى، ونى 2023 جىلدىڭ كوكتەمىندە اياقتاۋ جوسپارلانعان. سۋ جيناعىشتىڭ ءوزىن 2023 جىلدىڭ ماۋسىم ايىندا پايدالانۋعا بەرەمىز. وبەكتىنى ىسكە قوسۋ وندىرىستىك قۋاتتى تاۋلىگىنە 15 مىڭ تەكشە مەترگە دەيىن 2 ەسە ارتتىرۋعا مۇمكىندىك بەرەدى. ناتيجەسىندە "قاراعايلى"، "قۇرامىس" جانە "تاۋسامالى" شاعىناۋداندارىنا ۇزدىكسىز ساپالى سۋ بەرىلەتىن بولادى.
اقساي سۋ جيناعىشى بويىنشا جەر قازۋ جۇمىستارى ءجۇرىپ جاتىر. بۇل نىساندى 2025 جىلدىڭ III توقسانىندا پايدالانۋعا بەرۋ جوسپارلانعان جانە 100 مىڭ تۇرعىندى اۋىز سۋمەن قامتاماسىز ەتۋگە مۇمكىندىك بەرەدى.
اقجار سۋ جيناعىشى ىسكە قوسىلعانعا دەيىن "اقجار" شاعىناۋدانىنىڭ تۇرعىندارىن بالامالى تۇردە سۋمەن قامتاماسىز ەتۋ ءۇشىن Qazaq Stroy وسى جىلدىڭ قىركۇيەك ايىندا جاڭا ماگيسترالدى سۋ قۇبىرىن جوبالاۋعا كىرىستى. ونى 2023 جىلدىڭ ماۋسىم ايىنىڭ سوڭىنا دەيىن سالىپ ءبىتىرۋدى جوسپارلاپ وتىر. بۇل 35 مىڭ ادامدى سۋمەن قامتاماسىز ەتەدى.
"تاۋسامالى"، "شۇعىلا" شاعىناۋداندارىندا جانە "اقجار" شاعىناۋدانىنىڭ 20 كوشەسىنە جوسپارلانعان 104،2 كم جەلىنىڭ 79،6 شاقىرىمى (53،1 كم سۋ قۇبىرى جانە 26،5 كم كاناليزاسيا) سالىندى. قالعان 24،6 كم 2023 جىلدىڭ ماۋسىم ايىنا دەيىن اياقتالادى.
سونداي-اق "قاراعايلى"، "تاستىبۇلاق" شاعىناۋداندارى جانە "اقجار" شاعىناۋدانىنىڭ قالعان 30 كوشەسى بويىنشا 267 كم جەلى (135 كم سۋ قۇبىرى جانە 132 كم كاناليزاسيا) سالۋ ءۇشىن جوبالاۋ-سمەتالىق قۇجاتتامانى ازىرلەۋ جۇمىستارى اياقتالىپ كەلەدى.
بيىلعى قاراشا ايىندا "اقجار" جانە "قاراعايلى" شاعىناۋداندارى بويىنشا جوبالاۋ-سمەتالىق قۇجاتتاما مەملەكەتتىك ساراپتاماعا جىبەرىلەدى. ساراپتامانىڭ وڭ قورىتىندىسى الىنعاننان جانە كونكۋرستىق راسىمدەر وتكىزىلگەننەن كەيىن قۇرىلىستى 2023 جىلدىڭ II توقسانىندا باستاۋ جوسپارلانعان.
تاستىبۇلاق بويىنشا جوبالاۋ-سمەتالىق قۇجاتتاما 2023 جىلدىڭ ناۋرىز ايىندا ساراپتاماعا جىبەرىلەدى.
ماگيسترالدى سۋ قۇبىرىنداعى تۇراقتى اۆاريالاردىڭ سالدارىنان "شۇعىلا" شاعىناۋدانىنداعى «نۇرلى دالا» كەشەنى تۇرعىندارىنىڭ سۋمەن تۇراقتى قامتاماسىز ەتىلمەۋى جەكە پروبلەما بولىپ وتىر. بۇل پروبلەمانىڭ تامىرى تەرەڭدە جاتىر. 2019 جىلى مەردىگەر ۇيىم «الماتى ينجستروي» جاڭا سۋ قۇبىر جەلىلەرىن جۇرگىزۋ كەزىندە بولات قۇبىرلاردى ديامەترى 600 ميلليمەتر (ۇزىندىعى 5 كم) شىنى-پلاستيك قۇبىرعا اۋىستىرعان، ولاردى پايدالانۋ كەزىندە اپاتتار ءجيى ورىن الدى. 2019 جىلدان باستاپ وسى ۋچاسكەدە 28 اپات تىركەلگەن (بيىل 15 ااپات). اتالعان پروبلەمانى شەشۋ ءۇشىن الماتى قالاسىنىڭ اكىمدىگى ۋاقىتشا سۋ قۇبىرىن جۇرگىزۋ تۋرالى شەشىم قابىلدادى.
بۇل رەتتە، اكىمنىڭ تاپسىرماسىمەن 19 قازاندا مەردىگەر ۇيىم Qazaq Stroy «نۇرلى دالا» تۇرعىن ءۇي كەشەنىن تۇراقتى سۋمەن جابدىقتاۋ ءۇشىن ۇزىندىعى 400 مەتر (100 مەترى سالىنىپ قويدى)، ديامەترى 325 ميلليمەتر ۋاقىتشا سۋ قۇبىرىن جۇرگىزۋگە كىرىستى. جۇمىستاردى وسى قاراشا ايىنىڭ سوڭىنا دەيىن اياقتاۋ جوسپارلانعان. بۇل ماقساتقا الماتى قالاسى اكىمدىگىنىڭ رەزەرۆىنەن 102 ملن. تەڭگە ءبولىندى.
سونداي-اق، مەردىگەر ۇيىم «الماتى ينجسترويعا» قاتىستى ءتيىستى ماتەريالدار قىلمىستىق ءىس قوزعاۋ ءۇشىن قۇقىق قورعاۋ ورگاندارىنا بەرىلدى.