الماتى قالاسىنىڭ ناۋرىزباي اۋدانىندا «حالىق قاتىساتىن بيۋدجەت» باعدارلاماسى اياسىندا ىسكە اسىرىلعان نىساندار بويىنشا باسپا ءسوز تۋرى ءوتتى.
اۋدان اكىمى جوبا اۆتورلارىمەن بىرگە تۇرعىندارعا قايتا قۇرۋ ناتيجەلەرىن كورسەتتى، دەپ حابارلايدى aqshamnews.kz.
ءبىرىنشى نىسان «بارلىق» بازارىنىڭ الدىنداعى اۋماقتى اباتتاندىرۋ بولدى. بۇرىن ۋچاسكە قاراۋسىز قالعان، ءقازىر ۇزىندىعى 450 مەتر بولاتىن زاماناۋي قوعامدىق ايماققا اينالدى. اباتتاندىرىلعان اۋماقتا ستيحيالىق ساۋدانى بولدىرمايتىن قورشاۋلار ورناتىلدى، اۆتوماتتى سۋارۋ جۇيەسى بار 150 اعاش پەن 60 بۇتا وتىرعىزىلدى، سونداي-اق ەلەكتر بەرۋ جەلىلەرى تۇرعىندارىنىڭ قاۋىپسىزدىگى ءۇشىن جەر استىنا كوشىرىلدى.
«ءقازىر بۇل جەر تولىعىمەن وزگەردى. جولدار، جاسىل جەلەكتەر، ىڭعايلى ءايماقتار-بارى تۇرعىندار ءۇشىن جاسالىپ جاتقانىن كورۋگە بولادى. وسى جوباعا قاتىسقانداردىڭ بارلىعىنا راحمەت»، - دەدى اۋدان تۇرعىنى بەيبىت نازاروۆ.
باسپا ءسوز تۋرى اياسىنداعى كەلەسى نىسان شۇعىلا شاعىن اۋدانىنداعى جاياۋ جۇرگىنشىلەر ايماعى بولدى. ۇزىندىعى 350 مەتر بولاتىن جاڭا جاياۋ جۇرگىنشىلەر ايماعى تۇرعىندار ءۇشىن سۇيىكتى ورىنعا اينالدى. مۇندا بالالارعا ارنالعان زاماناۋي ويىن الاڭى، باسكەتبول الاڭى جانە ۆوركاۋت ايماق، مادەني ءىس-شارالارعا ارنالعان امفيتەاتر. سونداي-اق، 84 قايىڭ، 24 قاراعاي، 500-دەن استام بۇتا وتىرعىزىلدى، 3 400 م2 كوگال جاسالدى.
ءۇشىنشى نىسان «ەدەلۆەيس» باق-باقشا قاۋىمداستىعى جولدى اباتتاندىرۋ بولدى، وندا جول جابىنى مەن تروتۋارلار جاقسارتىلدى، بۇل قوزعالىس جايلىلىعىن قامتاماسىز ەتتى. بۇدان باسقا، 3 800 م2 تروتۋار سالىندى، 14 500 م2 جول جابىنى جاڭارتىلدى جانە «ءال-فارابي» تك جانە باسقا دا تۇرعىن اۋدانداردا جاڭا اسفالت توسەلدى.
«جاڭا اسفالت، جارىقتاندىرۋ-مۇنىڭ ءبارى ءبىزدىڭ ءومىرىمىزدى جاقسارتادى. ءبىز بۇل وزگەرىستەرگە ريزامىز!»،- دەپ اتاپ ءوتتى»، - ەدەلۆەيس» بق تۇرعىنى يرينا ۆاگانوۆا.
سوڭعى نىسان – راحات شاعىن اۋدانىنداعى اۋلالاردى اباتتاندىرۋ. اباتتاندىرۋ اياسىندا راحات ش/ا سەگىز كوپپاتەرلى ءۇيدىڭ قاسبەتتەرى جاڭارتىلدى، اۋلالار زاماناۋي كەلبەتكە يە بولدى، جاڭا قوقىس جاشىكتەرى ورناتىلدى، فۋتبول الاڭى جاڭارتىلدى جانە جاڭا اسفالت توسەلدى.
«ءقازىر بىزدە جاڭارتىلعان فۋتبول الاڭى جانە جايلى اۋلا بار. بۇل ءبىز كوپتەن كۇتكەن نارسە!»، - دەدى شاعىن اۋدان تۇرعىنى رينات.
ءوز كەزەگىندە ناۋرىزباي اۋدانىنىڭ اكىمى نازيرا توعىزبايەۆا حقب باعدارلاماسىنىڭ ماڭىزدىلىعىن اتاپ ءوتتى.
«ءبىز ءاربىر باستامانى باعالايمىز جانە ونى ەڭ جاقسى جولمەن جۇزەگە اسىرۋعا تىرىسامىز. حقب - بۇل ءاربىر تۇرعىن ءۇشىن اۋداننىڭ دامۋىنا ءوز ۇلەسىن قوسۋ مۇمكىندىگى»، - دەپ ءبولىستى ءوز ويىمەن اۋدان اكىمى نازيرا توعىزبايەۆا.
ناۋرىزباي اۋدانى تۇرعىنداردىڭ باستامالارى مەن «حالىق قاتىساتىن بيۋدجەت» باعدارلاماسىن قولداۋ ارقاسىندا جايلى ءارى زاماناۋي تۇرگە ەندى، جاقسى جاققا وزگەرۋ جالعاساتىن بولادى.